ලක්ෂමන්ගේ ඉල්ලීම නිදහස් මාධ්‍ය ව්‍යාපාරය ප්‍රතික්ෂේප කරයි

0

තම රැකියා ගිවිසුම අලුත් නොකරීම සම්බන්ධව ප්‍රකාශයක් නිකුත් කරන ලෙස ඉල්ලා ලක්ෂමන් ගුණසේකර කරන ලද ඉල්ලීමක් නිදහස් මාධ්‍ය ව්‍යාපාරය ප්‍රතික්ෂේප කර ඇති බව සිලෝන් ජර්නල්ස් වෙත වාර්තා වේ.

ඔබ්සවර් පුවත්පතේ කතෘවරයා ලෙස කටයුතු කරන ඔහුගේ රැකියා ගිවිසුම් කාලය ලේක් හවුස් ආයතන මඟින් අළුත් කර නොමැති බවත් එය සම්බන්ධව ප්‍රකාශයක් කරන ලෙසටයි ලක්ෂමන් ගුණසේකර විසින් ඉල්ලා ඇත්තේ.

දකුණු ආසියානු නිදහස් මාධ්‍ය ව්‍යාපාරයෙක් හිටපු නායකයෙක්ද වන ලක්ෂමන් ගුණසේකර 2015 වසරේ සිට ඔබ්සවර් කතෘ ලෙස පත් කරන ලද්දේ යහපාලන රජය විසිනි.

කෙසේ වෙතත් මෙම ඉල්ලීමට ප්‍රතිචාර දක්වමින් නිදහස් මාධ්‍ය ව්‍යාපාරය පවසා ඇත්තේ “ලේක් හවුස් එකේ රස්සා දෙන විදියටයි අයින් කරන විදියටයි අපිට ප්‍රකාශ නිකුත් කරන්න බැහැ” යනුවෙන්ය.

යහපාලන රජය බිහි කිරීමට මුල් වු මාධ්‍යවේදියෙක්ද වන ලක්ෂ්මන් ගුණසේකරගේ රැකියා ගිවිසුම අළුත් කිරීමට මෙතෙක් ලේක් හවුස් අයාතනය කටයුතු කර නැති බවද අප වෙත වාර්තා වේ.

නිදහස් මාධ්‍ය ව්‍යාපාරයේ ලේකම් චන්ද්‍රසිරි දොඩාවත්ත ද ලේක් හවුස් ආයතනයේ ජේෂ්ඨ නිලධාරියෙක් ලෙස කටයුතු කරයි.

Facebook Comments

wedding people