අනුරාධපුර ශ්‍රී ලංකා පොදුජන පෙරමුණු රැස්වීමේදී දුමින්ද දිසානායක මන්ත්‍රීවරයා හට විරෝධය දැක්වීම එම පක්ෂයේම සැලසුම් සහගත කටයුත්තක් බව හෙළි වෙමින් තිබේ.
ගෝඨාභය රාජපක්ෂ ජනාධිපති ධුරයට නාමයෝජනා ලබා දීමෙන් පසුව අනුරාධපුරයේදී සිය මංගල රැස්වීම පැවැත්වු අතර එම වේදිකාවට ගොඩවු ශ්‍රීලනිප මන්ත්‍රී දුමින්ද දිසානායක හට රැස්ව සිටි පිරිස් හූ කියමින් විරෝධය දැක්වීය.
කෙසේ වෙතත් ශ්‍රීලනිප මන්ත්‍රීවරු එකතු කර ගැනීමට විරුද්ධ නොවන මුත් ඔවුන් පක්ෂයට යටත් කර ගැනීම වෙනුවෙන් මහජන විරෝධයක් ඇති කරන මෙන් විමල් වීරවංශ සහ උදය ගම්මන්පිල ඉල්ලා තිබේ.
එස්.බී දිසානායක හා ඩිලාන් පෙරේරා කිසිදු වීරෝධයකින් තොරව පොහොට්ටු පක්ෂයට එක් කර ගැනීම හා ඔවුන් පක්ෂයේ කැපී පෙනන නායකත්වයකට පත්වීමට ද විමල් හා ගම්මන්පිල මන්ත්‍රීවරු සිය විරෝධය දක්වා ඇත.
එබැවින් ඉදිරියේදී එක්වන ශ්‍රීලනිප මන්ත්‍රීවරු අවනත කර ගැනීමට සහ පොහොට්ටු පක්ෂයේ වහලුන් කර ගැනීමට ඔවුන් මෙම උපක්‍රමය යොදා ගෙන ඇති බව නම හෙළි කිරීමට බියක් දැක්වු එම පක්ෂයේ ක්‍රියාකාරියකු හරහා සිලෝන් නිව්ස් වෙත දැනගන්නට හැකි විය.
මෙම රැළියට පෙර ගෝඨාභය රාජපක්ෂ විසින් දුමින්ද සිල්වා මන්ත්‍රීවරයාගේ නිවසට ගොස් ඔහු හමුවන්නේ මෙම විරෝධයේම සැලසුමක් ලෙස බවද ඔහු කියා සිටියේය.
මේ අතර පසුගියා ද ඇහැළියගොඩ පැවති පොහොට්ටු රැළියකට එක්වු ශ්‍රීලනිප මන්ත්‍රී කණ්ඩායමේ ජ්‍යෙෂ්ඨයකු වන ජෝන් සෙනවිරත්න හට ද රැස්ව සිටි පිරිස් හූ කියමින් විරෝධය දක්වා තිබුනි.
ශ්‍රීලනිප මන්ත්‍රීවරුන් තමන් හා එක්වුවද එම පක්ෂයේ බිම් මට්ටමේ ක්‍රියාකාරින් හා එහි ජන්ද පදනම පොහොට්ටු පක්ෂයට නොලැබෙනු ඇති බවට පක්ෂයේ මැතිවරණ මෙහෙයුම් කමිටුව විසින් ගණන් බලා ඇති බවද හෙතෙම වැඩි දුරටත් පැවසීය.
ඔහු විසින් වැඩිදුරටත් පෙන්වා දෙන ලද්දේ ශ්‍රීලනිපය ගෝඨාභය රාජපක්ෂට සහාය දීම නිල වශයෙන් ප්‍රකාශයට පත් කිරීමෙන් අනතුරුව පැවැත්වූ ඇල්පිටිය ප්‍රාදේශීය සභා ඡන්දයේදී දෙපිලකට බෙදී ඡන්ද කිරීමද ඊට සාක්ෂියක් ලෙසයි.
Facebook Comments
