ගෝටා පැරදවීමට අනුර කුමාර අතහැර සජිත් ට සහාය

0

ජාතික ජන බලවේගයේ ජනාධිපති අපේක්ෂකයා හට සහාය දැක්වීමට එක්වු ලංකා සම සමාජ පක්ෂ විකල්ප කණ්ඩායමේ මන්ත්‍රී ජයම්පති වික්‍රමරත්න සජිත් ප්‍රේමදාස හා එක්වීමට තීරණය කර තිබේ.

එක්සත් ජාතික පෙරමුණ නියෝජනය කරන පාර්ලිමේන්තු මන්ත්‍රී ජයම්පති වික්‍රමරත්න මීට පෙර සහාය පල කර තිබුනේ අනුර කුමාර දිසානායකටයි.

ඔහු ජාතික ජනබලවේගයට එක්වුවද එහි වැඩි බලයක් ජනතා විමුක්ති පෙරමුණට හිමි වීම නිසාත් ජ්‍යෙෂ්ඨ වාමාංශිකයකු වශයෙන් මන්ත්‍රීවරයා හට එම සන්ධානය තුළ නිසි තැනක් නොලැබීම නිසාත් ඔහු කලකිරී සිටි බව නම හෙළි නොකරන ලෙස ඉල්ලා සිටි ලසසප විකල්ප කණ්ඩායමේ ප්‍රකාශයෙකු සිලෝන් නිව්ස් වෙත පැවසීය.

පුලුල් සන්ධානයක් ලෙස ප්‍රකාශයට පත් කළද ජාතික ජනබලවේගයේ සියලු වැඩ කටයුතු සංවිධානය කිරිම, කථිකයන් තීරණය කිරිම ජනතා විමුක්ති පෙරමුණ විසින් සංවිධානය කරනු ලබන අතර එයට සහය දැක්වීමට එක්වු පිරිස් වෙත අඩු සැලකිල්ලක් දක්වන බවද ඔහු කියා සිටියේය.

මේ මොහොතේ අවශ්‍ය වන්නේ ෆැසිස්ට් බලවේගයට එරෙහිව සටන් වැදීම බැවින් ඊට එරෙහිව වැඩිම බලවේගයක් ගොනු කළ හැකි අපේක්ෂකයා සජිත් ප්‍රේමදාස බව පැහැදිලිව පෙනෙන්නට තිබෙන නිසාත් යලි ඔහුට සහය දැක්වීමට මන්ත්‍රී ජයපති වික්‍රමරත්න තීරණය කර ඇත.

ජයම්පති වික්‍රමරත්න මන්ත්‍රීවරයා මෙන්ම ලසසප විකල්ප කණ්ඩායමේ සෙසු මන්ත්‍රීවරුන් ද ඉදිරියේදී සජිත් ප්‍රේමදාස හට සහය දක්වනු ඇති බවට එම ප්‍රකාශකයා විශ්වාසය පළ කළේය.

19 වන ව්‍යවස්ථා සංශෝධනයේ නිර්මාණය කිරිමේදීත් පාස්කු බෝම්බ ප්‍රහාරය විමසන පාර්ලිමේන්තු කමිටුවේත් ලංකා සම සමාජ පක්ෂ විකල්ප කණ්ඩායමේ පාර්ලිමේන්තු මන්ත්‍රී ජයම්පති වික්‍රමරත්න විසින් ඉමහත් කර්තව්‍යයක් ඉටු කරනු ලැබීය.

Facebook Comments