රනිල් සජිත් විපක්ෂ නායක සටන ඇරඹේ

0

විපක්ෂ නායක තනතුර සඳහා රනිල් වික්‍රමසිංහ හා සජිත් ප්‍රේමදාසගේ නම් යෝජනාව වී ඇති බව කතානායකවරයා විසින් නිවේදනය කර තිබේ.

එක්සත් ජාතික පක්ෂ මහ ලේකම් අකිල විරාජ් කාරියවසම් විපක්ෂ නායක ලෙස රනිල් වික්‍රමසිංහගේ නම එවා ඇති බව හා එම පක්ෂයේම 40 දෙනෙකුගේ පමණ කණ්ඩයක් සජිත් ප්‍රේමදාස නම් කර ඇතැයි කාතානායක මාධ්‍ය අංශය පවසයි.

විපක්ෂ නායක ධුරයට සුදුසුම පුද්ගලයා සජිත් ප්‍රේමදාස බව පාර්ලිමේන්තු මන්ත්‍රී හරීන් ප්‍රනාන්දු 20 බදාදා මාධ්‍ය හමුවක් පවත්වමින් පැවසු අතර එම තනතුරු ඔහුට නොලැබුනහොත් වෙනත් දේශපාලන බලවේගයක් නිර්මාණය කරන බවටද ඔහු අනතුරු ඇඟවීය.

දේශපාලනය යනු චෙස් ක්‍රීඩාවටත් වඩා වැඩි දෙයක් බවත් එය ක්‍රිකට් ක්‍රීඩාව මෙන් කණ්ඩායම් ක්‍රියාවක් බව ධුරයෙන් ඉල්ලා අස්වු අගමැති සිය ට්විටර් ගිණුමේ සටහනක් තබා ඇත.

“දේශපාලනය කියන්නේ චෙස් ක්‍රීඩාවට වැඩි දෙයක්. ඒක ක්‍රිකට් ක්‍රීඩාව වගේ කණ්ඩායම් ක්‍රියාවක්. මේ සඳහා ඔබට මැරතන් ක්‍රීඩාවේ මෙන් සවිබලයක් ඕන. ඒ වගේම ඔබ මතක තබා ගත යුතුයි ඒක රගර් ක්‍රීඩාව වගේ අමාරු ක්‍රීඩාවක්. ඒ වගේම ඒක බොක්සිං වගේ ලේ වැගිරෙන ක්‍රීඩාවක්”

මේ අතර පාර්ලිමේන්තුවේ විරුද්ධ පක්ෂයේ නායකයා තෝරා ගැනීම පිළිබඳව මතුවි තිබෙන තත්ත්වය පාර්ලිමේන්තු කටයුතු පිළිබඳ කාරක සභාවේ විෂය පථයට අයත් නොවන බවත් එය එක්සත් ජාතික පක්ෂයේ පාර්ලිමේන්තු කණ්ඩායම තුළ විසඳා ගත යුතු අභ්‍යන්තර කරුණක් බව කතානායක කරූ ජයසුරිය 21 බ්‍රහස්පතින්දා පැවති පක්ෂ නායක හමුවේදී ප්‍රකාශ කර තිබේ.

ඒ අනුව විපක්ෂනායක තනතුරු පිරිනැමෙන්නේ පාර්ලිමේන්තු සම්ප්‍රදාය අනුව විරුද්ධ පාර්ශ්වයේ නායකයා පිළිගනු ලබන්නේ පාර්ලිමේන්තුවේ විරුද්ධ පාර්ශ්වයේ බහුතර මන්ත්‍රීවරයන් පිරිසක් සිටින දේශපාලන පක්ෂයේ පාර්ලිමේන්තු කණ්ඩායම් නායකයා බව ඔහු පෙන්වා දී ඇත.

Facebook Comments

wedding people