ජනාධිපතිවරණ පරාජයෙන් පසුව පසුබැස යන නායකයන් හට සටන් භූමියට පැමිණෙන ලෙස ෆැසිස්ට් විරෝධී වාමාංශික නායකයෙක් ආරාධනා කර තිබේ.
පීඩාවට පත් වන සිටින සුළු ජන කොටස් ඔවුන්ට “නිවන ලැබෙන්නේ කොහෙන් දැයි” බලා සිටින බැවින් එවැනි අවස්ථාවක නායකයන් පලා යාම හෙලා දකින ආචාර්ය වික්‍රමබාහු කරුණාරත්න එය දුර්ජන ක්‍රියාවක් බවට චෝදනා කරයි.
“ගෝඨාගේ ක්‍රමය අපි දැනගෙන ඉවරයි. මේක තවදුරටත් මේ විදියට ගියොත් ෆැසිස්ට් පාලනය කුමක්ද කියලා තමුන්නාන්සේලාටම දැන ගන්න පුලුවන් වෙයි. ඒ නිසා සංවිධානය වෙලා වැඩ කරගෙන යන්න තමයි අපි කල්පනා කරන්නේ. ඒ උඩ අපි ආරාධනා කරනවා හැම නායකයෙකුටම මේ සටනේ හිටපු නැගිලා එන්න. අපි ජනතාවට කිසිම බොරුවක් කළේ නෑ. යුක්තිය සාධාරණය නිදහස පිළිබඳව අපි කතා කළේ. ඒ කතා කරපු එක වටිනා දෙයක්.”
එය ඉවත දමා මෝඩ විදියට කටයුතු කිරීම නිසා යම් ස්ථාන වල ජන්දයෙන් පරාජයට පත්වුවද ලක්ෂ ගණනක් ජනතාව යුක්තිය සාධාරණය වෙනුවෙන් ඉදිරියට යාමට ජන්දය ලබා දී ඇති බව නව සම සමාජ පක්ෂ නායකයා 29 සිකුරාදා කොළඹ පැවති මාධ්‍ය හමුවක දී පෙන්වා දුන්නේය.
පලා යන නායකයන්ගෙන් ශක්තිමත් ප්‍රතිචාරයක් නොලැබුනහොත් නායකත්වය ගෙන ඉදිරියාමට බලා සිටින පිරිස් හා එක්ව ෆැසිස්ට්වාදී පාලනයට එරෙහිව සටන් වඳින බව නසසප නායක ආචාර්ය වික්‍රමබාහු කරුණාරත්න වැඩි දුරටත් අවධාරණය කර සිටී.
Facebook Comments
