රන්ජන් ට විරුද්ධව “පැමිනිල්ලක් නෑ” (VIDEO)

0
369
Ivory Agency Sri Lanka
HailHost
wedding people

තමා අත් අඩංගුවට ගන්නා ලද්දේ කිසිදු පැමිණිල්ලක් නොමැතිව හිතුමතේ බව දුරකතන හඬ පට නිසා සිරගතවු හිටපු අමාත්‍යවරයා ප්‍රකාශ කර සිටී.

බලපෑම් කළ බවට කිසිදු විනිසුරුවරයෙක් තමන්ට විරුද්ධව පැමිණිල්ලක් ඉදිරිපත් කර නොමැති බව පොලිස් අත් අඩංගුවට පත්ව අධිකරණයට යන අතරතුර රන්ජන් රාමනායක මන්ත්‍රීවරයා මාධ්‍ය වෙත පැවසීය.

“විනිසුරුවරු පැමිණිලි කරළා නෑ නමුත් මාව අත් අඩංගුවට ගත්තා. කවුරුත් පැමිණිළි කරළා නෙමේ පැමිණිල්ලක් නෑ හිතුමතේට අත් අඩංගුවට අරන් තියෙන්නේ. ඒගොල්ලො හිතනවා මම බලපෑම් කළා කියලා. මටයි කතා කරලා තියෙන්නේ ඒ අය පොලිස් ආරක්ෂාව ඉල්ලලා.”

ඇතැම් මාධ්‍ය ඔස්සේ පළ වන හඬපට පිළිනොගන්නා බව කී මන්ත්‍රීවරයා ඒවා නිර්මාණය කරන ලද හඬපට බව ද කියා සිටියේය.

මෙතෙක් එම දුරකතන අංක හෝ කට හඬ හඳුනාගෙන නොමැතිව තමන්ව අත් අඩංගුවට ගන්නා ලද බව රන්ජන් රාමනායක මන්ත්‍රීවරයා වැඩි දුරටත් මාධ්‍ය වෙත සඳහන් කළේය.

අධිකරණයට ඉදිරිපත් කළ පාර්ලිමේන්තු මන්ත්‍රී රන්ජන් රාමනායක මහතා එළැඹෙන 29 දා තෙක් රක්ෂිත බන්ධනාගාර ගත කිරිමට නුගේගොඩ මහේස්ත්‍රාත් වසන්ත කුමාර නියෝග කරන ලදි.

Facebook Comments

HailHost