රන්ජන්ගේ ප්‍රජා අයිතියට කණකොකා හඬයි

0

දුරකතන සංවාද පටිගත කිරීම සහ ඒවා ප්‍රචාරය කිරීම සම්බන්ධයෙන් ප්‍රසිද්ධියක් උසුලන හිටපු අමාත්‍ය රන්ජන් රාමනායක ප්‍රජා අයිතිය අහෝසි විමේ අවදානමකට මුහුණ දී තිබේ.

ඒ මහාධිකරණ විනිසුරුවරුන් තිදෙනකු සිය කාර්ය ඉටු කිරීමේ දී ඔවුන්ට අනීතීකව බලපෑම් එල්ල කළ බවට ඉදිරිපත්වී ඇති කරුණු පදනම් කරගනිම්න් ඔහුට එරෙහි චෝදනා එල්ලවීමත් සමඟය.

ආණ්ඩුක්‍රම ව්‍යවස්ථාවේ 111 වගන්තිය යටතේ අධිකරණ කටයුතුවලට මැදිහත්වීමේ චෝදනාවට නීතිපතිවරයා කොළඹ අපරාධ කොට්ඨාසයේ අධ්‍යක්ෂවරයා වෙත රන්ජන් රාමනායක හිටපු අමාත්‍යවරයා අත් අඩංගුවට ගැනීමට නියෝග කළ අතර ඒ සඳහා 14 අඟහරුවාදා නුගේගොඩ මහේස්ත්‍රාත් වසන්ත කුමාර විසින් වරෙන්තු නිකුත් කරන ලදී.

කොළඹ අපරාධ කොට්ඨාසය විසින් වරෙන්තුකාර මන්ත්‍රීවරයා අද සවස අත් අඩංගුවට ගන්නා ලදි.

එම චෝදනාවට මන්ත්‍රීවරයා වැරදිකරු වුවහොත් එක් අවුරුද්දක් දක්වා දිර්ඝ කළ හැකි කාලසීමාවකට දෙයාකාරයෙන් එක් ආකාරයක බන්ධනාගාර ගත කිරීමක් හෝ දඩයක් නියම කිරීමකට හෝ එම දඬුවම් දෙකටම යටත් වනු ඇත.

එසේම වරදකරු කරනු ලබන දිනයේ සිට අවුරුදු හතක් නොඉක්මන කාලයකට ජන්ද හිමියකු වීමට, ජනමත විචාරණය හෝ කවර ආකාරයක ජන්ද වීමසිමක දී ජන්දය ලබා දීමට සහ රජයේ ධුරයක් දැරීමට හෝ රජයේ නිලධාරියෙකු වශයෙන් පත් වීමට නුසුදුස්සෙකු කරනු ලැබිය හැකි බවට ශ්‍රී ලංකා ආණ්ඩුක්‍රම ව්‍යවස්ථාවේ වැඩි දුරටත් සඳහන් කර තිබේ.

Facebook Comments

wedding people