ලෝකයම භීතියට පත් කළ නව කොරෝනා වෛරසයෙන් දෙසතියක් තුළ මිය ගිය සංඛ්යාව අවම වශයෙන් 259ක් බව චීනයේ සෞඛ්ය අංශ පවසනවා.
චීනයේ පමණක් වෛරසය ආසාදනය වු පුද්ගලයින් 11,791 ක් මේ වන විට හඳුනා ගෙන ඇති බවයි විදෙස් මාධ්ය වාර්තා කර ඇත්තේ.
ඊට අමතරව තවත් ලක්ෂයකට වැඩි පිරිසක් ස්වසන රෝග ලක්ෂණ සහතිව එරට රෝහල් තුළ ප්රතිකාර ලබමින් සිටින බව 31 සිකුරදා වන විට චීන බලධාරින් පවසා ඇත.
චීනයට අමතරව තවත් රටවල් 26කට ආසන්න ප්රමාණයක අවම වශයෙන් කොරෝනා වෛරසය ආසාදනය වු එක් රෝගියෙකු හෝ හඳුනාගෙන ඇති බව ලෝක සෞඛ්ය බලධාරින් පවසනවා.
මෙම තත්ත්වය සැලකිල්ලට ගනිමින් ලෝකය පුරා සෞඛ්ය පිළිබඳව හදිස්සි තත්ත්වයක් ප්රකාශයට පත් කිරීමට ලෝක සෞඛ්ය සංවිධානය කටයුතු කරනු ලැබීය.
වෛරසය පැතිරීම වැළැක්වීම සඳහා ඇමරිකාව, රුසියාව ඇතුළු බොහෝ රටවල් චීනයට සංචාරය කිරීමට හෝ චීන ජතිකයින් හට තම රටට ඇතුල් වීමට තහනමක්ද පනවා ඇත.
කොරෝනා වෛරස් ව්යාප්ති ලයිස්තුවේ තෙවන ස්ථානය හිමි ජපානයේ මේ වසරේ පැවැත්වීමට නියමිත ඔලිම්පික් උත්සවය ද අවලංගු විමේ අවධානමක් පවතින බව විදෙස් මාධ්ය වැඩි දුරටත් වාර්තා කර තිබේ.
Facebook Comments
