කොරෝනා වෛරසයෙන් බැට කන චීනයට කුරුලු උණෙන් පීඩා

0
839
Ivory Agency Sri Lanka
wedding people

නව කොරෝනා වෛරසයෙන් පීඩවට පත්ව සිටින චීනයේ තවත් මාරාන්තකි වෛරසයක් පැතිර යාම ආරම්භ වී ඇති බවට විදෙස් මාධ්‍ය වාර්තා කර තිබේ.

කොරෝනා වෛරසය ව්‍යාප්ත වු වුහාන් ප්‍රාන්තායේ අසල්වැසි හුනාන් ප්‍රාන්තයේ H5N1 ලෙසින් හඳුන්වන කුරුලු උණ පැතිර යිමින් පවතින බවයි චීන සෞඛ්‍ය අංශ සඳහන් කරන්නේ.

කුරුලු උණ හේතුවෙන් කුකුලන් 4500 ක් පෙබරවාරි 01 වනදා වන විට මිය ගොස් ඇති අතර තවත් කුකුලන් 7,850කට පමණ වෛරසය ආසාදනය වී ඇතැයි හඳුනාගෙන ඇත.

පවතින අවධානම් තත්ත්වය සැලකිල්ලට ගනිමින් ගොවිපොළ වල සිටින කුකුලන් 17,000 වැඩි පිරිසක් මරා දැමීමට චීන සෞඛ්‍ය අංශ කියෝග කර ඇති බවද එරට මාධ්‍ය වාර්තා සඳහන් කරයි.

මේ අතර කොරෝනා වෛරසය නිසාවෙන් චීනයෙන් පිටත දී සිදුවු මුලුම මරණය පිලිපීනයෙන් වාර්තා වී ඇත.

චීනයේ වූහාන් සිට පිලිපීනයට පසුගිය 21 දා පැමිණි 44 හැවැරිදි චීන ජාතිකයෙක් මෙසේ පිලිපීනයේදී මිය ගොස් ඇති බවයි විදෙස් මාධ්‍ය වාර්තා කරන්නේ.

නව කොරෝනා වෛරසය හේතුවෙන් මිය ගිය ගණන අවම වශයෙන් 304ක් බව හා වෛරස් ආසාදිතයන් 14,380ක් මෙන්ම සුව ලැබු පුද්ගලයින් 28ක් රෝහල්වලින් නික්ම ගොස් ඇති බවයි චීන සෞඛ්‍ය බලධාරින් වැඩි දුරටත් නිවේදනය කරන්නේ.

Facebook Comments