ශ්‍රී ලංකාවේ මුස්ලිම්වරුන් ගැන වෛරක්කාරී අනුශාසනාවක් කරන ලද ඉහලම සංඝ නායකත්වයක් කෙරෝනා වෛරසයෙන් පීඩා විදින චීන ජාතිකයින් හට කරුණාව දක්වන මෙන් වදාරා සිටී.
මුස්ලිම් ව්‍යාපාර වර්ජනය කිරීමට හා මුස්ලිම්වරුන්ට ගල් ගැසීමට යෝජනා කරන ලද අස්ගිරි මහනාහිමියන් චීන ජාතකයින් හට කරුණාවෙන් සලකන ලෙස හා අවශ්‍ය උපකාර කරන ලෙසට නිවේදනයක් නිකුත් කරමින් ඉල්ලා ඇත.
එක්සත් ජාතින්ගේ සංවිධානය තුල ශ්‍රී ලංකාවට එල්ල වු යුද අපරාධ චෝදනා වලදී පවා චීනය සහාය දුන් බව සිහිපත් කර දෙන වරකාගොඩ ඤාණරතන නාහිමියන් නෙළුම් කුළුණ, නොරොච්චෝලේ විදුලි බලාගාරය, මොරගහ කන්ද ජල යෝජනා ක්‍රමය හා වරයා නගරය ද චීනයෙන් මෙරටට ලැබුන ප්‍රතිලාභ ලෙසයි පෙන්වා දී ඇත්තේ.
කෙසේ වෙතත් පාස්කු ප්‍රහාරයෙන් පසුව දියත් වූ විරෝධයට සහාය දැක්වු එහිමියන් පසුගිය වසරේ යටිනුවර දියකෙළිනාව කිත්සිරිමෙවන් රජමහා විහාරස්ථානයේ විසි එක් රියන් සමාධි බුද්ධි ප්‍රතිමාව නිරාවරණය කිරීමට එක්වෙමින් “මමත් කියනවා මුස්ලිම් කඩ වලට යන්න එපා. ඒ කඩ වලින් කන්න බොන්න එපා.” යි වදාළේය.
සිංහල කාන්තාවන් වඳ බවට පත් කළේ යයි ජනමාධ්‍ය මගින් අපහාසයට ලක් කෙරුනු මුස්ලිම් ජාතික වෛද්‍යවරයකුට ගල් ගැසීමට ඇතැමුන් කරන යෝජනාවද වරකාගොඩ ඤාණරතන අස්ගිරි මහනාහිමියන් විසින් අනුමත කරන ලද්දේ “කළ යුත්තේ ඒක තමයි” යනුවෙන් පවසමිනි.
“ඔය වගේ ජාති ද්‍රෝහීන්ට නිදහසේ ඉන්න දෙන්න හොඳ නැහැ. උපාසකම්මලා වගයක් කිව්වා ගල් ගහලා මරන්න ඕනේ කියලා. මම එහෙම කියන්නේ නෑ. නමුත් කළ යුත්තේ ඒක තමයි.” මුස්ලිම්වරු කෙරෙහි මෛත්‍රීයක් නොදක්වමින් එහිමියන් අනුශාසනා කර තිබුනි.
බෞද්ධ නායකයින් වශයෙන් ආගමික වතාවත් තුළින් කොරෝනා වෛරසයේ රෝග බිය තුරන් කිරීමට සෑම උත්සාහයක්ම දරමින් සිටින බවද අස්ගිරි මහනාහිමියන් වැඩි දුරටත් නිවේදනය කර ඇත.
Facebook Comments
