රන්ජන් මතු කළේ බැහැර කළ නොහැකි සමාජ යථාර්තය

0
351
Ivory Agency Sri Lanka
wedding people
Loading...

රන්ජන් රාමනයක මන්ත්‍රීවරයා හඬ පට හරහා මතු කරනු ලබන සමාජ යථාර්තය කිසිවකුට බැහැර කරලිය නොහැකි බව හිටපු මුදල් අමාත්‍යවරයා ප්‍රකාශ කර තිබේ.

එහෙත් මන්ත්‍රීවරයා කටයුතු ඇති ආකාරයේ ‘සදාචාරාත්මක භාවය’ පිළිබඳ තමාට ද බරපතල විවේචනයක් ඇති බවයි මංගල සමරවීර මන්ත්‍රීවරයා පවසන්නේ.

“මේ සමාජය අන්තයටම පිරිහිලා. මුළුමනින්ම කුණුවෙලා. එහි දුගදේ තරම රන්ජන් ගේ පටිගතකල දුරකතන එකතුව ආශ්‍රයෙන්වත් ලංකාවේ ජනයා තේරුම් ගැනීමට සමත් වෙතොත් දැන හෝ නොදැන රන්ජන් අතින් සිදුවී තිබෙන්නෙ ඵෙතිහාසික කාර්ය බාරයක් කියල වික්ටර් අයිවන් කියලා තිබුනා.” මන්ත්‍රීවරයා මාතර පැවති ‘මංගල සමග පිළිසඳර’ සංවාදශීලි ජන හමුවේදී කියා ඇත.

“පවතින සමාජ යථාර්තය රන්ජන්ගේ හඬපට වලින් එලියට ආවා. අපි මේවා සඟවන්න අවශ්‍ය නැහැ. මේවාට දේශපාලනඥයින් ලෙස අපිත් වගකිව යුතුයි.”

එම හමුවට සහභාගිවී සිටි තරුණියක, රන්ජන් රාමනායක මන්ත්‍රීවරයාගේ හඬපට සිද්ධිය සම්බන්ධයෙන් හා සමාජ මාධ්‍යවල පලවී ඇති මංගල මන්ත්‍රීවරයා හා රන්ජන් රාමනායක මන්ත්‍රීවරයා පාර්ලිමේන්තුවේදී ගෙන තිබු සෙල්ෆි ඡායාරූපය පිළිබඳව කරන ලද විමසීමකට පිළිතුරු දෙමින් මංගල සමරවීර මන්ත්‍රීවරයා මෙසේ පවසා තිබේ.

රන්ජන් රාමනායක මන්ත්‍රීවරයාගේ පක්ෂ තහනම ඉවත්කර ඔහුව යලිත් ඉදිරි මහ මැතිවරණයට එක්සත් ජාතික පෙරමුණෙන් ඉදිරිපත් කළ යුතු බවද මංගල සමරවීර මන්ත්‍රීවරයා වැඩි දුරටත් ප්‍රකාශ කර ඇත.

Facebook Comments

Loading...