උතුරේ දේශපාලන පක්ෂ හතරක් එක්වී නව දේශපාලන සන්ධානයක් ආරම්භ කිරීම සඳහා ගිවිස ගෙන තිබේ.
දෙමළ ජනතා දේශිය සන්ධානය ලෙස නම් කර ඇති නව සන්ධනය උතුරු පළාතේ හිටපු මහ ඇමැති සී.වී. විග්නේස්වරන්ගේ මුලිකත්වයෙන් බිහි කර ඇති අතර ඊට අදාළ ගිවිසුම් අත්සන් කිරීම 09 ඉරිදා යාපනයේදී සිදු කර ඇත.
අවබෝධතා ගිවිසුම අත්සන් කිරීමේ අවස්ථාවට දෙමළ ජනතා සන්ධාන පක්ෂයේ නායක සී.වී.විග්නේස්වරන් EPRLF සංවිධානයේ නායක සුරේෂ් ප්‍රේමචන්ද්‍රන් ,දෙමළ ඊලාම් ස්වයං රාජ්‍ය පක්ෂයේ නායිකා ආනන්දි සෂිහරන්, ටෙලෝ සංවිධානයෙන් බිදී ගොස් නව දෙමළ දේශපාලන සන්ධානයක් බිහිකර ගත් එස්.ශ්‍රී. කාන්තා යන අයවලුන් හා එම පක්ෂවල සෙසු පිරිසක් සහභාගී විය.
සන්ධානය පිහිටුවිමේ මුල් සාකච්ඡාවේදී දෙමළ ජාතික ජනතා සන්ධානයේ නායක ගජේන්ද්‍රකුමාර් පොන්නම්බලම් නව සන්ධානය සමග එක්විමට කැමත්ත ප්‍රකාශ කොට තිබුණද අවබෝධතා ගිවිසුම අත්සන් කිරීමේ අවස්ථාවට ඔහු සහභාගී වී නොතිබුණි.
Facebook Comments
