තාජුඩීන්ගේ ශරීර කොටස් අතුරුදහන් කළ අධිකරණ වෛද්‍ය නිලධාරීවරයාට නඩු

0
464
wedding people
Loading...

රගර් ක්‍රීඩක වසීම් තාජුඩීන්ගේ අස්ථි කොටස් අතුරුදන්වීම සම්බන්ධයෙන් හිටපු අධිකරණ වෛද්‍ය නිලධාරීවරයාට එරෙහිව පොදු දේපල පනත යටතේ නඩු පැවරීමට පියවර ගන්නා බව නීතිපතිවරයා කොළඹ මහේස්ත්‍රාත් අධිකරණයට දැනුම් දී ඇත.

හිටපු අධිකරණ වෛද්‍ය නිලධාරි මහාචාර්ය ආනන්ද සමරසේකර තමා අත්අඩංගුවට ගතහොත් සුදුසු ඇපයක් නියම කරන ලෙස සඳහන් කරමින් අධිකරණය වෙත ඉල්ලුම් කළ අපේක්ෂිත ඇප අයදුම්පත්‍රය විභාගයට ගත් අවස්ථාවේදී රජයේ අධිනීතිඥවරයා මේ බව දැන්වීය.

රජයේ නීතිඥවරයා එම ඉල්ලීමට විරෝධය පළ කළ අතර පෙත්සම්කරු අදාළ අස්ථි කොටස් තමා විශ්‍රාම ගැනීමට සති දෙකකට ප්‍රථම කිසිවෙකුගේ අනුමැතියකින් තොරව ලොරියක පටවා ගෙන ගිය බවට තොරතුරු අනාවරණය වී ඇතැයි හෙළිදරව් කළේය.

තවද දෙවන පශ්චාත් මරණ පරීක්ෂණ වාර්තාව නිකුත් කිරීමට මොහොතකට පෙර වසර තුනකට පසු තාජුඩීන්ගේ ඝාතනයට අදාළ පශ්චාත් මරණ පරීක්ෂණ අවසන් වාර්තාව නිකුත් කළ හිටපු අධිකරණ වෛද්‍ය නිලධාරිවරයා වැඩිදුර විමර්ශනයට අවශ්‍ය බව සඳහන් කර මෘත ශරීරයෙන් ඉවත් කළ කලවා හා පපු අස්ථි කොටස් අවසන් වාර්තාව දීමට වසරකට පෙර මෙලෙස අස්ථානගත කිරීමට මෙම ඝාතනයේ මුල් කුමන්ත්‍රණකරුවන් හා කුමන්ත්‍රණය කිරීමේ වරද සිදුකර ඇත්ද? යන්න පිළිබඳව වැඩිදුර විමර්ශන පවත්වන බවට නීතිඥවරයා අධිකරණය හමුවේ පැවැසීය.

ජාතික රගර් ක්‍රීඩකයකුගේ පශ්චාත් මරණ පරීක්ෂණය පැවැත්වීමේදී පපු අස්ථිය හා කලවා කොටස් නඩු භාණ්ඩ වශයෙන් ආනන්ද සමරසේකර බාර ගත් බවත් නඩු භාණ්ඩ රජයට අයිති බැවින් එය අස්ථානගත කිරීම පොදු දේපළ පනතේ කළ වරදක් බවට සැලකෙනු ඇතැයි රජයේ නීතිඥවරයා වැඩිදුරටත් අධිකරණය වෙත පැවැසීය.

අදාළ කරුණු සලකා බැලූ මහේස්ත්‍රාත්වරිය තීන්දුව මේ මස 9 වන දින ප්‍රකාශයට පත්කිරීම සඳහා නඩුව යළි කැඳවීමට තීරණය කළාය.

CCTV දර්ශන හඳුනා ගැනීමට බැරි වෙයි

වසීම් තාජුඩීන් ඝාතනයේ බව කියන සී.සී.ටීවී දර්ශන නිවැරදිව හඳුනා ගැනීමට කැනඩාවේ බ්‍රිටිෂ් කොලොම්බියා රසායනාගාර විද්‍යා සමාජය ද අසමත් වී තිබෙනවා.

අදාළ සී.සි.ටීවී කැමරා සංවේදී බවින් අඩු බවද දර්ශන ගුණාත්මක භාවයෙන් අඩු වී ඇත්තේ ඒ නිසා බවද කැනඩාවේ බ්‍රිටිෂ් කොලොම්බියා රසායනාගාරය පවසයි.

අදාළ දර්ශන ශ‍්‍රී ලංකාවේදී හඳුනා ගැනීමට මුලින් උත්සහ කෙරුණා. එය සාර්ථක නොවූ නිසායි එම දර්ශන කැනඩාවේ බි‍්‍රටිෂ් කොලොම්බියා රසායනාගාර විද්‍යා සමාජය වෙත යොමු කිරීමට අධිකරණය නියෝග කළේ.

Facebook Comments

Loading...