අපරාධ චෝදනා ලබා සිටින ශ්‍රී ලංකා නාවික හමුදාවේ ඉහලම තනතුර හිමි හිටපු නාවික හමුදා ප්‍රධානියා අධිකරණය මඟ හැරීම රජය විසින් සාධාරණීකරණය කර තිබේ.
හිටපු නාවික හමුදාපති අද්මිරාල් ඔෆ් ද ෆ්ලීට් වසන්ත කරන්නාගොඩ උසාවිය මඟ හැර සිටීම අධිකරණයට අපහාස කිරීමක් නොවන බවයි රජයේ කැබිනට් මාධ්‍ය ප්‍රකාශක පවසන්නේ.
“අධිකරණයට අපහාස කිරීමක් නොමෙයිනේ. සම්පුර්ණ අසත්‍ය චෝදනාවකට නිරපරාදේ අත් අඩංගුවට ගන්නවා නම් ඒ පිළිබඳව නිකං සමාන්‍ය කෙනෙක්ට නෙමෙයි හමුදා රණවිරුවන්ට විරුද්ධව මේ රටේ ඉතා විශාල කුමන්ත්‍රණයක් ක්‍රියත්මක වෙච්ච බව ඔබතුමා පිළිගන්න එපැයි,” කැබිනට් ප්‍රකාශක බන්දුල ගුණවර්ධන ඇමැතිවරයා මාධ්‍යවේදියකුගේ ප්‍රශ්න කිරීමකට පිළිතුරු ලෙස පැවසීය.
හිටපු නාවික හමුදාපති වසන්ත කරන්නාගොඩ හට නාවික හමුදාවේ ඉහලම තනතුර වන අද්මිරාල් ඔෆ් ද ෆ්ලීට් ලබා දුන් පසුගිය රජය ඔහුගෙන් පළිගන්නා බවයි ඇමැතිවයා පවසන්නේ.
කොළඹ ඇතුළු තදාසන්න ප්‍රදේශ වලින් 11 දෙනකු පැහැරගෙන ගොස් අතුරුදහන් කිරීමේ චෝදනා ලබා සිටින හිටපු නාවික හමුදාපතිවරයා අධිකරණය මඟ හරිමින් සිටින අතර හතරවෙනි වතාවටත් කොළඹ ත්‍රිපුද්ගල මහාධිකරණය හමුවේ පෙනී සිටන්නැයි ඔහුට සීතාසි නිකුත් කර ඇත.
කෙසේ වෙතත් තමන්ට එරෙහිව ඇති චෝදනා පසුගිය රජය විසින් පලිගැනිමේ අරමුණින් ගොනු කරන ලද බවටයි මෛත්‍රීපාල සිරිසේන හිටපු ජනපතිවරයා විසින් අද්මිරාල් ඔෆ් ද ෆ්ලීට් ධුරයට ඔසවා තබන ලද හිටපු නැව්පති වසන්ත කරන්නාගොඩ දේශපාලන පළිගැනීම් පිළිබඳව පරීක්‍ෂා කොට කොට තොරතුරු ලබාගැනීම සඳහා පත් කළ ජනාධිපති පරීක්‍ෂණ කොමිසමට පැමිණිලි කර ඇත්තේ.
තමන්ට එරෙහිව දේශපාලන ලෙස පලිගැනිමේ අරමුණින් ගොනු කර ඇති චෝදනා වලට විකල්ප කරුණු ඉදිරිපත් කිරීමට අවස්ථාව ඇති බව ඇමැතිවරයා කියා සිටියද හිටපු නැවිපති උසාවියට නොපැමිණ දිගින් දිගමට මඟ හරිමින් සිටින බවට මාධ්‍යවේදියා කැබිනට් මාධ්‍ය ප්‍රකාශවරයා දුනුවත් කළේය.
ඊට පෙරළා පිළිතුරු දුන් රජයේ කැබිනට් මාධ්‍ය ප්‍රකාශ බන්දුල ගුණවර්ධන අමාත්‍යවරයා අධිකරණය හමුවේ පෙනී නොසිටන්නේ දැයි හිටපු නාවික හමුදාපති වසන්ත කරන්නාගොඩ ගෙන් විමසා දැනුම් දීමට සහතික විය.
Facebook Comments
