ශ්‍රී ලංකාවට ආපසු යාමට බියේ ඔස්ට්‍රේලියාවේ රැදී සිටීමට අවසර ඉල්ලා සටන් වැදුණු දෙමළ පවුලකට නඩු ගාස්තු වශයෙන් ඩොලර් ලක්ෂ දෙකකට වැඩි මුදලක් ගෙවීමට එරට රජයට නියම වී තිබේ.
ප්‍රියා හා නඩේසලිංගම් යුවල ඕස්ට්‍රේලියාවේදී ඉපදුනු කෝපිකා හා තරුනිකා නම් සිව් හැවිරිදි හා දෑවුරුදු වියැති ඔවුන්ගේ දියණියන් දෙදෙනාද සමග ලංකාවට පිටුවහල් කරනු ලැබීමට විරුද්ධව සටන් කරමින් රැදවුම් මධ්‍යස්ථාන වල ගත කරමින් සිටි කාලය අවුරුදු දෙකකට වැඩිය.
දේශපාලන රැකවරණ පතා වීසා අයදුම්පත්‍රය සලකා බැලීමේ ක්‍රියාපටිපාටියේදී තම බාල දියණිය හට අසාධාරණයක් සිදු වූ බවට ඔවුන් අධිකරණයට ඔප්පු කිරීමෙන් පසු , මෙම පවුල වැය කළ නඩු ගාස්තු ලෙස ඩොලර් 206,934 ක මුදලක් ගෙවීමට ෆෙඩරල් විනිසුරු මාර්ක් මොෂින්ස්කි විසින් නියම කරන ලදී.
පසුගිය මැයි මාසයේදී ආගමන අමාත්‍ය ඩේවිඩ් කොල්මන් විසින් තරුනිකා සදහා වීසා අයදුම්පතක් සළකා බැලීම සදහා තිබූ බාධකයක් ඉවත් කළද, ඒ සම්බන්ධයෙන් තීරණයක් ගැනුනේ නැත.
ඔහු විසින් රැකවරණ වීසා ඉල්ලීම සදහා ඇයට ඉඩ ලබාදීමට ඔහුට ඇති හැකියාව ඇතුළුව, මෙම පවුලේ ඉල්ලීම සම්බන්ධයෙන් සාරාංශයක් ඉල්ලුම් කර තිබේ.
නමුත් ආගමන දෙපාර්තමේන්තු නිලධාරියකු විසින් අගෝස්තුවේදී කරන ලද ඇගයීමකින් පසු දැනුම් දී ඇත්තේ ඕස්ට්‍රේලියානු රැකවරණය ලබා ගැනීම සඳහා මෙම පවුලට ඉඩක් නැති බවය.
එහිදී පවුලේ අයට කරුණු දැක්වීමට අවස්ථාවක් ලැබී නැති බව අධිකරණයේ පිළිගැනීම වි ඇත.
“එම ඇගයීම අගෝස්තු 2019 සිදුවන බව ඉල්ලුම්කරුට දන්වා නැති අතර එම ඇගයීමේ කිසිදු පැතිකඩක් සම්බන්ධයෙන් අදහස් දැක්වීමට අවස්ථාවක් ලබා දී නොමැත”, විණිසුරු මොෂින්ස්කි පැවසීය.
මෙම තීරණය එම පවුලට ජයග්‍රහණයක් වුවද, එමගින් තරුනිකා හට වීසා ලබා දීමට හෝ එම පවුලට ක්වීන්ස්ලන්ඩ්, බිලෝලා හි සිය නිවසට යාමට ඉඩ දීම සදහා රජයට බල කිරීමක් සිදුවන්නේ නැත. එයින් හුදෙක් ප්‍රකාශ වනුයේ, ආමාත්‍යවරයා විසින් මෙම දරුවාට වීසා ඉල්ලුම් කිරීමට ඉඩ දෙනවාද යන්න නිසියාකාරව තීරණය කළ යුතු බව පමණි.
තමන් නැවත ලංකාවට පැමිණියහොත් වධ හිංසාවට ලක්වනු ඇති බවට ප්‍රියා සහ නඩේෂ් බියෙන් පසු වෙති.
මෙම පවුල කලින් මෙල්බර්න් හි රැදවුම් මධ්‍යස්ථානයක රදවා තැබුවද, පසුව ඔවුන් රටින් නෙරපීම වළක්වමින් අධිකරණය විසින් හදිසි නියෝගයක් කිරීමත් සමග, අගෝස්තුවේදී ඔවුන් ක්‍රිස්මස් දූපත වෙත මාරු කරන ලදී.
දැරියන් දෙදෙනාගේ දෙමාපියන් ඔස්ට්‍රේලියාවට බෝට්ටු මගින් පැමිණ ඇත්තේ 2012 සහ 2013 දීය.
Facebook Comments
