වත්මන් රජය ජාතික ආණ්ඩුවක් නොවන බවට තීන්දුවක් ලබාදෙන ලෙස ඉල්ලා ගොනුකර තිබූ පෙත්සමක් ඔක්තෝබර් මස 03 වනදා යළි කැඳවීමට ශ්‍රේෂ්ඨාධිකරණය තීරණය කර තිබේ.
අදාළ පෙත්සම අද(9) කැඳවූ අවස්ථාවේ අගවිනිසුරු කේ ශ්‍රී පවන් ප්‍රමුඛ විනිසුරු මඩුල්ල ප්‍රකාශ කළේ එය ඔක්තෝබර් මස 03 වනදා සලකා බලන බවයි.
එක්සත් ජනතා නිදහස් සන්ධාන හිටපු පාර්ලිමේන්තු මන්ත්‍රී සරත් විරසේකර විසින් ගොණු කර ඇති පෙත්සමේ වගඋත්තරකරුවන් ලෙස අග්‍රාමාත්‍ය රනිල් වික්‍රමසිංහ ඇතුළු අමාත්‍ය මණ්ඩල සාමාජිකයින් නම් කර ඇත.
පෙත්සම්කරු පවසන්නේ ආණ්ඩුක්‍රම ව්‍යවස්ථාවේ 19 වන සංශෝධනයට අනුව ජාතික ආණ්ඩුවක් ලෙස සැලකෙන්නේ පාර්ලිමේන්තුව නියෝජනය කරන සියලු පක්ෂවලින් සමන්විත රජයකට බවයි.
ශ්‍රී ලංකා නිදහස් පක්ෂය හා එක්සත් ජාතික පක්ෂය පමණක් එක්ව ස්ථාපිත කළ රජයක් ජාතික ආණ්ඩුවක් ලෙස පිළිගත නොහැකි බව පෙත්සම්කරු සඳහන් කර තිබේ.
Facebook Comments
