ගුවන් නියමුවෝ අකුරට වැඩ

0

ගුවන් නියමුවන් බීමත්ව සිටීද යන්න සොයා බැලීමේදී ජාත්‍යන්තර නීති උල්ලංඝනය කරමින් බලධාරීන් කටයුතු කරන නිසා එයට විරෝධය පා අද (09) මධ්‍යම රාත්‍රී 12.00 සිට අකුරට වැඩ කිරීමේ වෘත්තීය ක්‍රියාමාර්ගයක් දියත් කරන බව ශ්‍රී ලංකා ගුවන් නියමුවන්ගේ සංසදය සඳහන් කරයි.

අවිධිමත් ආකාරයට සිදුකරන පරීක්ෂා කිරීම විධිමත් ලෙස සිදුකරන ලෙස ඉල්ලා සිටි ගුවන් නියමුවකුගේ වැඩ තහනම් කිරීමටත් බලධාරීන් කටයුතු කර තිබෙන බවද එම සංගමයේ නියෝජිතයෙක් සඳහන් කළේ ය.

අගමැතිතුමාගේ උපදෙස් මත මෙම ක්‍රමවේදය සිදුකරන බව පවසමින් ගුවන් සමාගමේ බලධාරීන් වෛද්‍ය අංශය යොදා ගෙන මෙම පරීක්ෂා කිරීම සිදුකරන බවත් මෙම පරීක්ෂා කිරීමේ ක්‍රමවේදය දිනෙන් දිනම වෙනස් වෙමින් පවතින බවත් එම සංගමය පෙන්වා දෙයි.

එහෙත් ගුවන් නියමුවෙකු බීමත්ව සිටීද යන්න සොයා බැලීමට ජාත්‍යන්තර ක්‍රමවේදයට පරිභාහිරව මෙම පරීක්ෂා කිරීම සිදුකරන බවද එම සංගමයේ නියෝජිතයා පවසන්නේ.

මේ අතර ශ්‍රී ලංකන් ගුවන් සේවය තුළ 10%-15% අතර ගුවන් නියමුවන්ගේ හිඟයක් පවතින බව ද ශ්‍රී ලංකා ගුවන් නියමුවන්ගේ සංසදය පෙන්වාදෙයි.

ගුවන් ගමන් සාමාන්‍යයි

ශ්‍රී ලංකන් ගුවන් සමාගමේ ගුවන් නියමුවන් විසින් ආරම්භ කර ඇති අකුරට වැඩ කිරීමේ වෘත්තීය සමති ක්‍රිියාමාර්ගය හේතුවෙන් තවමත් ගුවන් ගමන් සඳහා කිසිදු බලපෑමක් ඇතිව නොමැති බව කටුනායක ගුවන් තොටුපළ වාර්තා පවසයි.

එකදු ගුවන් ගමනක් ප්‍රමාද වීමක් හෝ එකදු ගුවන් ගමනක් අවලංගු කිරීමක්වත් මේ වන විට වාර්තා වී නොමැත.

Facebook Comments

wedding people