ජනපති කාර්යාලයේ සහ සෞඛ්‍ය අමාත්‍යාංශයේ “බෝතල් කිරි” ගැටුම ඉවර නෑ

0

ජනතාවගේ මුදල් එකතු කරගැනීම සඳහා ජනාධිපති කාර්යාලයේ අධික්ෂණය යටතේ ක්‍රියාත්මක වන ව්‍යාපෘතියක ප්‍රචාරණ දැන්වීමක් වාරණයට සෞඛ්‍ය ප්‍රවර්ධන කාර්යාංශය රජයේ වෛද්‍ය නිලධාරීන්ගේ සංගමයේ සහාය ඉල්ලා තිබේ.

කොවිඩ් 19 සුවසේවා හා සමාජ ආරක්ෂණ අරමුදල යටතේ ක්‍රියාත්මක “ඉටුකම” ජාතික වැඩ සටහනට අදාලව විකාශනය වන වෙළෙඳ දැන්වීමක් නවත්වා ගැනීම සදහා මැදිහත් වන ලෙස සෞඛ්‍ය ප්‍රවර්ධන කාර්යාංශයේ වැඩ බලන සෞඛ්‍ය අධ්‍යාපන නිලධාරී රජයේ වෙද්‍ය නිලධාරීන්ගේ සංගමයේ සභාපතිට ලිපියක් යොමු කරමින් ඉල්ලා තිබේ.

“පෞද්ගලික ලිපියක්” බව සදහන් කරමින් ජානක සුනෙත් බණ්ඩාර විසින් විශේෂඥ වෛද්‍ය අනුරුද්ධ පාදෙනියට යවා ජනමාධ්‍ය වෙත බෙදා හරින ලද ලිපියක් මගින් පෙන්වා දී ඇත්තේ වෙළෙඳ දැන්වීම තුළ “බෝතලයෙන් කිරි පෙවීමේ ” දර්ශනයක් අනියම් ආකාරයෙන් ප්‍රවර්ධනය වී ඇති ආකාරය මැයි 18 දින බලධාරීන්ට පෙන්වා දුන්නද අදටත් මාධ්‍යයේ එම දැන්වීම ප්‍රචාරය වන බවයි.

තහවුරු නොකළ ආරංචි මාර්ග ඉදිරිපත් කරමින් ජානක සුනෙත් බණ්ඩාර තම ලිපිය මගින් විශේෂඥ වෛද්‍ය අනුරුද්ධ පාදෙනියට දැනුම් දී ඇත්තේ එම දැන්වීම ජනතාවට ප්‍රදර්ශනය කිරීමට පෙර, තෝරා ගත් විද්වත් කණ්ඩායමකට දැක ගන්නට ලැබී ඇති බවයි.

” එම අවස්ථාවේ එහි සිටි රූපවාහිනී සංස්ථාවේ වත්මන් සභාපති, හිටපු සෞඛ්‍ය ලේකම්වරයකු වු වෛද්‍ය නිහාල් ජයතිලක මහතා දැන්වීමේ ඇති කිරිපිටි බෝතලය දැන්වීමෙන් ඉවත් කිරීමට ඉල්ලා ඇත. එහිදී නිර්මාණකරුවන්නැයි කියාගන්නා අය ඊට විරුද්ධ වී “කිරි බෝතලය අත්‍යවශ්‍ය බවට” තරයේ පවසා ඇත.”

තමා වෙත වාර්තා වු පරිදි මෙම දැන්වීම මාධ්‍ය මගින් ප්‍රචාරය වීමෙන් අනතුරුව සෞඛ්‍ය අමාතාංශයේ පවුල් සෞඛ්‍ය කාර්යාංශය සිය විරෝධතාව ලිඛිතව ප්‍රකාශ කර ඇති බව තහවුරු නොකළ ආරංචි මාර්ග උපුටා දක්වමින් ජානක සුනෙත් බණ්ඩාර විශේෂඥ වෛද්‍ය අනුරුද්ධ පාදෙනියට දැන්ම් දී තිබේ.

බහුජාතික කිරිපිටි සමාගම්වල මුදල් හමුවේ කිසිවකු හෝ සිය ජාතික යුතුකම පැහැර හැර තිබෙන බවට සමාජයේ මතයක් ඇති වීම ජනාධිපතිවරයාගේ පෞද්ගලික අවධානයට ලක් කළ යුතු කරුණක් බව අවධාරණය කරන ජානක සුනෙත් බණ්ඩාර ඒ සදහා මැදිහත් වන ලෙස සභාපතිවරයා ප්‍රමුඛ රජයේ වෛද්‍ය නිලධාරීන්ගේ සංගමයෙන් ඉල්ලා තිබේ.

Facebook Comments

wedding people