ගුරු දෙමව්පිය විරෝධය නොතකා හමුදාවට දුන් පාසල් වල කොරෝනා අවදානමක්

0
479
Ivory Agency Sri Lanka
wedding people

ගුරු සංගම් වල හා දෙමව්පියන්ගෙන් එල්ලවු විරෝධය නොතකමින් ආරක්ෂක අංශ සාමාජිකයන් නවාතැන් ලෙස යොදා ගත් පාසල් වල ගුරුවරුන්ට හට කොරෝනා රෝගය ආසාදනය විමේ අවදානම ගැන ගුරු සංගමයක් අනතුරු අඟවා තිබේ.

බස්/පිළි/කොතලාවලපුර පාසලේ නවාතැන් ගෙන සිටින නාවික හමුදා සෙබලුන් පිරිසකට කොරෝනා වෛරසය ආසාදනය වී ඇති බව පවසන ලංකා ගුරු සංගමය එම කාල සීමව තුල පාසට පැමිණි ගුරුවරුන් 26 දෙනෙකු ඔවුන්ගේ නිවෙස් තුළම නිරෝධායනය ලක් කර ඇති බව නිවේදනය කරයි.

බස්නාහිර පළාතේ පාසල් 200 කට ආසන්න ප්‍රමාණයක ආරක්ෂක අංශවල පිරිස් නවාතැන් ගෙන සිටින බව ද එම නිවේදනයේ සඳහන් වේ.

ගුරුවරු පාසල්වලට ගෙන්වා වැටුප් ලේඛන අත්සන් කිරීමට අධ්‍යාපන අමාත්‍යාංශය දැනුම් දී නැති අවස්ථාවක වැටුප් ලේඛන අත්සන් කිරීමට කොතලාවලපුර පාසලේ විදුහල්පතිවරයා ගුරුවරුන් කැඳවා ඇති බවට චෝදනා කරන ලංකා ගුරු සංගමයේ එබැවින් ගුරුවරුන් නිරෝධායනට ලක් කිරීමට සිදු වු බවයි පෙන්වා දෙන්නේ.

“ගුරුවරු පාසල්වලට ගෙන්වා වැටුප් ලේඛන අත්සන් කිරීමට අධ්‍යාපන අමාත්‍යාංශය දැනුම් දී නොමැති අතර, මේ ආකාරයෙන් කොතලාවලපුර විදුහලේ විදුහල්පතිවරයා ගුරුවරු පාසලට ගෙන්වා ඔවුන් අනාරක්ෂිත තත්වයට පත් කිරීම සම්බන්ධයෙන් පරීක්ෂණයක් සිදු කරන ලෙසත්, බස්නාහිර පළාතේ පාසල්වලට විවිධ හේතු දක්වමින් ගුරුවරු ගෙන්වීම නතර කිරීමට පියවර ගන්නා ලෙසත් ලංකා ගුරු සංගමය බස්නාහිර පළාත් ආණ්ඩුකාරවරයාගෙන් ඉල්ලා සිටී.”

ආරක්ෂක අංශවල නවාතැන් සඳහා පාසල් යොදාගැනීම සම්බන්ධයෙන් අප දිගින් දිගටම කරුණු දැක්වූවද ඒ සම්බන්ධයෙන් නිසි පියවර ගැනීමට රජය කටයුතු නොකළ බවට පවසන ලංකා ගුරු සංගමය අධ්‍යාපන නිලධාරීන් විසින් විවිධාකාර හේතු දක්වමින් දිගින් දිගටම ගුරුවරු පාසල්වලට ගෙන්වීමට ද කටයුතු කරන ලද බවද කියා සිටී.

පාසල් ගන්නවාට විරෝධය

ආරක්ෂක අංශ වල සාමාජිකයන් සදහා නිරෝධායන මධ්‍යස්ථාන ලෙස පාසල් යොදා ගැනීම යෝජනා වු අවස්ථාවේදී ඊට විරෝධය පළ කරමින් හිටපු අධ්‍යාපන අමාත්‍ය නීතිඥ අකිල විරාජ් කාරියවසම් සිය මුහුණු පොතේ සටහනක් තබමින් “දරුවන්ගේ ජීවිත එක්ක සෙල්ලම් කරන්න එපා. පාසැල් ආරම්භ කළ විට රාජකීය විද්‍යාලය ගත්තොත් දරුවන් හත් අට දාහක් දිනපතා එනවා. මේ දවස්වල දරුවන් නැතත් මුරකරුවන්, අනධ්‍යන සේවකයන්ටත් අවදානම්. වෙන ඕන තැනක් ගන්න. දරුවන්ගේ අනාගතය සමග සෙල්ලම් කරන්න එපා,” යනුවෙන් අවධාරණය කර තිබුනි.

හිටපු අධ්‍යාපන අමාත්‍ය අකිල විරාජ් කාරියවසම්ගේ අදහස අනුමත කරන ලංකා ගුරු සංගමයේ ප්‍රධාන ලේකම් ජෝසප් ස්ටාලින්ද නිවේදනයක් නිකුත් කරමින් පෙන්වා දී තිබුනේ කොළඹ පමණක් නොව දිවයිනේ ස්ථාන කිහිපයකම පාසල් නිරෝධායන කටයුතු සදහා යොදා ගෙන තිබෙන අතර මෙය ඉතා භයානක තත්වයක් බවයි.

මේ අතර නිරෝධායන කටයුතු සදහා උතුරේ පාසල් යොදා ගැනීමට ගන්නා වු උත්සාහයට විරුද්ධත්වය පාමින් උතුරේ දිස්ත්‍රික්ක දෙකක විරෝධතා දියත් කර තිබුනි.

කෙසේ වෙතත් එම අවස්ථාවේදී නිරෝධායන කටයුතු සඳහා පාසල් ලබාගත් බව ප්‍රතික්ෂේප කරන ආරක්ෂක ලේකම් කමල් ගුණරත්න කොළඹදී මාධ්‍යවේදීන් හමුවේ පැවසුවේ අමතර කඳවුරු සඳහා ඒවා යොදාගන්නා බවයි.

Facebook Comments