ශ්‍රී ලංකාවේ ප්‍රථම වරට ඉදිකරන ලද දිය යට කෞතුකගාරය ගාල්ල මුහුදු තීරයේ දී විවෘත කර තිබේ.
අගමැති මහින්ද රාජපක්ෂගේ සංකල්පයකට අනුව නාවික හමුදාව විසින් නිර්මාණය කරන ලද මෙම කෞතුකගාරය 17 බදාදා නාවික හමුදාපති වයිස් අද්මිරාල් පියල් ද සිල්වා මහජන අයිතියට පත් කළේය.
දෙස් විදෙස් සංචාරකයන්ගේ ආකර්ශණය දිනා ගැනිමෙන් ඉදිකරන ලද මෙම කෞතුකගාරය තුළ බොහෝ නිර්මාණ සිදු කර ඇත්තේ නාවික හමුදාව විසිනි.
මෙහි ස්ථාපිත සියලු නිර්මාණ සඳහා සිමෙන්ති සහ පරිසර හිතකාමි අමු ද්‍රව්‍ය යොදා ගෙන ඇති බව පවසන නාවික හමුදාව කාලයාගේ ඇවෑමෙන් ඇතිවු කොරල් පරිසර පද්ධතිය නිසාවෙන් තවත් අලංකාර වී ඇති බවයි පවසන්නේ.
දිය යට කෞතුකගාරය ගාලු වරාය තුල අඩි 50ක් පමණ වන්නට පිහිටා ඇති අතර එම ප්‍රදේශයේ පිහිනුම් හෝ කිමිඳුම් කටයුතු කරන ඕනෑම පුද්ගලයෙකු පහසුවෙන් නිරික්ෂණය වන පරිදි නිර්මාණ කටයුතු සිදු කර ඇත.
ඉතාමත් කෙටි කාලයක් තුල නිර්මාණය කිරිමට යෙදුනු මෙම දිය යට කෞතුකාගාරය සදහා ප්‍රථමයෙන්ම භාවිතයෙන් ඉවත් කල දුම්රිය මැදිරි සහ ධීවර යාත්‍රා යොදා ගැනිමට තීරණය කලද කෙටි කාලිනව ඒවා රැස්කර ගැනිමේ අපහසුව හේතුවෙන් විවිධ ප්‍රතිමා සහ සමරු පලක යොදා ගනිමින් මෙම ව්‍යපෘතිය කර ගෙන යාමට කටයුතු කරන ලද බවයි නාවික හමුදාව පෙන්වා දෙන්නේ.
කෞතුකාගාරය විවෘත කිරීමේ උත්සවය ඉතා සුවිශේෂි මුහුනුවරක් ගත් අතර ප්‍රවීණ කිමිදුම් විශේෂඥයකු වනනාවික හමුදාධිපති දිය යටදි පීත්ත පටිය කපා කෞතුකාගාරය විවෘත කිරීම නැවුම් අත් දැකීමක් විය.
මේ ආකාරයේ තවත් දිය යට කෞතුකාගාරයන් දෙකක් ත්‍රිකුණාමලයෙහි සහ තංගල්ල ප්‍රදේශයේ ඉදිකිරීමට අපේක්ෂා කරන බව නාවික හමුදාව වැඩි දුරටත් නිවේදනය කරයි.
Facebook Comments
