නව ආණ්ඩුක්රම ව්‍යවස්ථාව සඳහා වන කෙටුම්පතක් සකස් කිරීම වෙනුවෙන් පත්කර ඇති විශේෂඥ කමිටුවට වතුකරයේ ජීවත් වන දෙමළ හා ඉන්දියානු සම්භවයක් සහිත දෙමළ ජනතාව නියෝජනය කෙරෙන සාමාජිකයකු පත් කරන්නැයි දෙමළ ප‍්‍රගතිශීලී සන්ධානයේ නායකයා ඉල්ලීමක් කර තිබේ.
ජනාධිපති ගෝඨාභය රාජපක්ෂ වෙත ලිපියක් යවමින් එම පක්ෂයේ නායක මනෝ ගනේෂන් මෙම ඉල්ලීම කර ඇත.
රටේ දෙමළ, මුස්ලිම් ජනතාවට ආවේනික ගැටලූ තිබෙන්නාක් මෙන් වතුකරයේ ජීවත් වන දෙමළ ජනතාවටද ආවේනික ගැටලූ පවතින බවයි මනෝ ගනේෂන් මන්ත්‍රීවරයා අවධාරණය කරන්නේ.
එබැවින් නව ආණ්ඩුක්රම ව්‍යවස්ථාව පිළිබඳ කෙටුම්පත සකස් කිරීම වෙනුවෙන් පත්කර ඇති විශේෂඥ කමිටුවට වතුකරයේ දෙමළ ජනතාව නියෝජනය කරන විශේෂඥයකු ඇතුළත්වීම සාධාරණ බවයි හෙතෙමෙ පෙන්වා දෙන්නේ.
නව ආණ්ඩුක්රම ව්‍යවස්ථාවක් සකස් කිරීම වෙනුවෙන් විශේෂඥ කමිටුවක් පත්කිරීම සාධනීය කරුණක් ලෙස දකින බවද මනෝ ගනේෂන් මන්ත්‍රීවරයා සිය ලිපියේ සඳහන් කර තිබේ.
ජනාධිපති නීතීඥ රොමේෂ් ද සිල්වා සභාපතිත්වය දරන ආණ්ඩුක්රම ව්‍යවස්ථාවක් කෙටුම්පත් කිරීමේ කමිටුවේ සෙුස සාමාජිකයන් ලෙස ජනාධිපති නීතීඥ ගාමිණී මාරපන, ජනාධිපති නීතීඥ මනෝහර ද සිල්වා, ජනාධිපති නීතීඥ සංජීව ජයවර්ධන මහාචාර්ය නසීමා කමුර්දීන්, ආචාර්ය ඒ. සර්වේස්වරන්, ජනාධිපති නීතීඥ සමන්ත රත්වත්තේ, මහාචාරිනී වසන්තා සෙනෙවිරත්න සහ මහාචාර්ය ජී. එච්. පීරිස් පත් කර ඇත.
Facebook Comments
