නාමල් FCIDයෙන් වන්දි ඉල්ලයි

0
534
Ivory Agency Sri Lanka
wedding people
Loading...

පොලිස් මූල්‍ය අපරාධ විමර්ශන කොට්ඨාසයේ නිළධාරීන් දෙදෙනෙකුගෙන් රුපියල් මිලියන 200 බැගින් වන්දි මුදලක් ඉල්ලා පාර්ලිමේන්තු මන්ත්‍රී නාමල් රාජපක්ෂ කොළඹ දිසා අධිකරණයේ නඩුවක් ගොනුකර තිබේ.

ක්‍රිෂ් සමාගමෙන් රුපියල් මිලියන 70ක මුදලක් ලබා ගනිමින් සිදු කළ අවභාවිතාව සම්බන්ධයෙන් සැකපිට පොලිස් මූල්‍ය අපරාධ විමර්ශන කොට්ඨාසය විසින් අත්අඩංගුවට ගත් නාමල් රාජපක්ෂ රක්ෂිත බන්ධනාගාර ගතව සිටියදී මානසිකව හා ශාරීරිකව පීඩාවට පත්වු බව පවසමින් මෙම නඩුව ගොණු කර ඇත.

මුල්‍ය අපරාධ විමර්ශන කොට්ඨාසය විසින් නිසිලෙස පරීක්ෂණ නොකර කිසිදු නීතිමය පදනමක් නොමැතිව දේශපාලන බලපෑම හේතුවෙන් තමන් බන්ධනාගාරගත කිරීමෙන් තම කීර්ති නාමයට හානියක් සිදුව ඇති බැවින් එම විමර්ශන කොට්ඨාසයේ ඒකක අංක 07 ස්ථානාධිපති අනුර ප්‍රේමරත්න සහ උප පොලිස් පරික්ෂක ලලිත් ශාන්ත යන අයවලුන්ගෙන් වන්දි ඉල්ලා මෙසේ නඩු පවරා තිබෙනවා.

රග්බි ක්‍රිඩාවේ සංවර්ධනය සඳහා ක්‍රිෂ් නැමැති පුද්ගලික සමාගමකින් මුදල් ලබා ගැනීමේ සිද්ධියකට අදාළව ජනාත විමුක්ති පෙරමුණ පළාත් සභා මන්ත්‍රී වසන්ත සමරසිංහ කළ පැමිණිල්ලකට අනුව 2016 ජුලි මස 11 වනදා නාමල් රාජපක්ෂ පොලිස් මූල්‍ය අපරාධ විමර්ශන කොට්ඨාසය මගින් අත්අඩංගුවට ගෙන රක්ෂිත බන්ධනාගාර ගත කර තිබුණි.

Facebook Comments

Loading...