කොළඹ මහ නගර සභා සීමා තුළ පළමු මාත්‍රාව ලෙස ඇස්ට්‍රා-සෙනෙකා එන්නත ගත් පුද්ගලයන්ට දෙවන මාත්‍රාව ලෙස ෆයිසර් එන්නත ලබාදීම හදිසියේම නවතා දමා තිබේ.
ඉදිරි දින කිහිපය තුළ ඇස්ට්‍රා සෙනෙකා එන්නත් මාත්‍රා ලැබීමට නියමිතව තිබීම ඊට හේතුව බවයි කොළඹ මහ නගර සභාව නිවේදනය කරන්නේ.
සෞඛ්‍ය අමාත්‍යාංශය විසින් ඉදිරි සති තුන ඇතුළත ඇස්ට්‍රා-සෙනෙකා එන්නත් තොගයක් ලබා දීමට නියමිතව ඇති අතර, එමඇස්ට්‍රා-සෙනෙකා එන්නත් ලැබූ විගස ක්‍රමවත්ව දෙවන එන්නත් මාත්‍රාව ලබා දීමට මේ වනවිටත් කටයුතු සුදානම් කර ඇති බවයි නගරාධිපතිනී රෝසි සේනානායක පවසන්නේ.
මෙම වැඩපිලිවෙළ හේතුවෙන් අපහසුතාවයකට පත් වීමට සිදු වූයේ නම්, ඒ සම්බන්ධව කොළඹ පුරපතිනිය සිය කණගාටුව පළ කර සිටී.
Facebook Comments
