සියලු දහම්වල හරය කැටි කොටගත් සොබාදහමේ අගය සහ සමානාත්මතාවය කෙරෙහි ගරුත්වය දැක්වීමේ වටිනාකමින් යුතුව කෘතවේදීත්වයේ උතුම් බවින් හින්දු ජනතාව ආගමික භේදයකින් තොරව සමස්ත ජනතාව සමඟ බෙදා හදාගනිමින් තෛපොංගල් උත්සවය සැමරීම සාමය, සංහිදියාව ගොඩනැගීමටද සුවිශේෂ අවකාශයක් උදාකරන බව අගමැතිවරයා පවසයි.
සොබාදහම සමඟ සහසම්බන්ධතාවයෙන් එහි සුරක්ෂිත බව උදෙසා කැපවන්නටත්, වාර්ගික, ආගමික භේද ඉක්මවා සාමය සහෝදරත්වය රජයන මානව සමාජයක් ගොඩනගන්නටත් මෙවර තෛපොංගල් උත්සවය පරමාදර්ශයක් කර ගත යුතු බව අගමැති රනිල් වික්රමසිංහ 14 ඉරිදාට යෙදී ඇති තෛපොංගල් උත්සවයට සුබ පතමින් නිකුත් කල නිවේදනයේ දැක්වේ.
තෛපොංගල් උත්සවයේ සියලූ චාරිත්ර මිනිසා සහ පරිසරය අතර සබඳතාව වඩ වඩාත් ශක්තිමත් කිරිම අරුත් ගන්වන බව අගමැති රනිල් වික්රසිංහගේ පණිවුඩයේ වැඩිදුරටත් පෙන්වා දෙයි.