කොවිඩ් එන්නතෙන් රටටම ජයක්

0

කොවිඩ් එන්නතේ දෙවන මාත්‍රාව ජනගහණයෙන් 50%කට ලබාදීම හැකිවීම රටක් වශයෙන් ලැබු ජයග්‍රහණයක් බව මාධ්‍ය ඇමැතිවරයා ප්‍රකාශ කර තිබේ.

රටේ සියලු දෙනා ජයග්‍රහණයේ වීරයන් බව පවසන අමාත්‍ය ඩලස් අලහප්පෙරුම මේ හේතුව නිසාවෙන් අද ඓතිහාසික දිනයක් වනු ඇති බවයි පෙන්වා දෙන්නේ.

ජනගහණයෙන් 50%කට අධික සංඛ්‍යාවක් දෙවනි මාත්‍රාව එන්නත්කරණය කළ රාජ්‍යයක් ලෙස ලෝක සිතියමෙහි රාජ්‍යයන් ඉතාම අතලොස්ස අතරට එක්වීමට අප රටට හැකිවීම භාග්‍යයක් බව මෙන්ම මෙම රාජ්‍ය පද්ධතිය තුළ කුඩා දූපත් රාජ්‍ය හැරුණු කොට ඉහලින් සිටිනුයේ කැනඩාව, එක්සත් රාජධානිය, ජර්මනිය, ඉතාලිය, ස්පාඤ්ඤය, ජපානය, මැලේසියාව වැනි රටවල් බවත් මින් බහුතරය ජී7 (G7) කලාපයට අයත් රටවල් වන අතර එයින් රටවල් 4ක්ම එන්නත් නිපදවන රටවල් බවද අමාත්‍යවරයා කියා සිටියේය.

සෞඛ්‍ය ක්ෂේත්‍රයේ අප්‍රමාණ කැපකිරීම් කළ පිරිස, ආරක්ෂක අංශ වල නිලධාරීන්, රාජ්‍ය නායකයන් මෙන්ම රැකියාවට නොගොස් නිවෙස් වල සිටි පුද්ගලයන් පවා මෙම ජයග්‍රහණයේ වීරයන් සහ කොටස්කරුවන් වන බව අද (14) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේදී අදහස් දක්වමින් ඩලස් අලහප්පෙරුම ඇමැතිවරයා සඳහන් කළේය.

මෙම එකමුතුකම තුළින්ම ඉදිරි සති කිහිපය සැවොම ගතකළහොත් ප්‍රශ්න මැනවින් කළමනාකරණය කරගත හැකි බවටද අමාත්‍යවරයා විශ්වාසය පළ කළේය.

Facebook Comments

wedding people