දෙවැනි රාජපක්ෂ පාලනය පලවා හැරීම පිණිස පැවැත්වෙන විරෝධතා රටපුරා ඇවිල යද්දී, ඒ සම්බන්ධයෙන් වාර්තා පලකරන දෙමළ මාධ්‍යවේදීන් හඹායාම ආරම්භ කර තිබේ.
අලුතින්ම වාර්තාවන පරිදි ශ්‍රී ලංකා පොලිස් ඔත්තු සේවා නිලධාරීන් යයි හඳුන්වා ගත් පිරිසක් පරීක්ෂණ සඳහා යයි පවසමින් ගොස් ඇත්තේ මඩකලපුවේ ජ්‍යෙෂ්ඨ මාධ්‍යවේදීන් දෙදෙනකුගේ නිවෙස්වලටය.
#GoHomeGota විරෝධතාව හා සම්බන්ධ තොරතුරු හා අදහස් මුහුණු පොතේ පල කිරීමෙන් කොටි සංවිධානය නැවත පණ ගන්වා සමාජ මාධ්‍ය ඔස්සේ රට දෙකඩ කිරීමට උත්සාහ කරන බවට මඩකලපුව මාධ්‍ය සමාජයේ නායකයන් දෙදෙනකු වන එස් නිලාන්දන් සහ පුන්‍යමුර්ති සසිකරන්ට පොලිසිය චෝදනා කර ඇත.
මහත් බියට පත් ඥාතීන් පවසා ඇත්තේ ඒ දෙදෙනා ඉන්නා තැනක් ගැන නොදන්නා බවයි.
රට පුරා සිදුවන ආණ්ඩු විරෝධී අරගල දිනපතාම පාහේ වාර්තා කිරීමෙන් නොනැවතී ඊට ක්‍රියාකාරීව දායක වන දකුණේ මාධ්‍යවේදීන්ට පොලිසියෙන් එවැනි අඩන්තේට්ටමක් සිදුවූ බවක් වාර්තා වී නැත.
Facebook Comments
