අග්‍රාමාත්‍ය මහින්ද රාජපක්ෂ අද (09) දිනයේ විශේෂ ප්‍රකාශයක් සිදුකරමින් සිය ධුරයෙන් ඉවත්වීමට නියමිත බව ආණ්ඩුවේ ආරංචි මාර්ග පවසයි.
එම ආරංචි මාර්ග වලට අනුව අද දිනයේ අරලියගහ මැදුරට කැඳවා ඇති ශ්‍රී ලංකා පොදුජන පෙරමුණේ පාක්ෂිකයන් හමුවේ අගමැතිවරයා සිය ඉල්ලා අස්වීම ප්‍රකාශයට පත් කිරීමට නියමිතව ඇත.
බැසිල් රාජපක්ෂ විසින් පොහොට්ටු පක්ෂයේ හිතවතුන් දහස් ගණනක් අරලියගහ මන්දිරයට කැඳවා ඇති අතර එහිදී පළාත් පාලන නියෝජිතයින් පිරිසක් අග්‍රාමාත්‍ය මහින්ද රාජපක්ෂ හමුවීමට සූදානම් කර තිබේ.
එහි අරමුණ අග්‍රාමාත්‍යවරයාට සිය ධුරයෙන් ඉවත් නොවන ලෙසට ඉල්ලා සිටීමට බව දේශපාලන ආරංචි සඳහන් කරයි.
කෙසේවෙතත් අග්‍රාමාත්‍ය මහින්ද රාජපක්ෂ අද දිනයේ ඉවත් නොවන්නේ නම් අමාත්‍යවරුන් සිව් දෙනෙකු ඉල්ලා අස්වීමට සූදානම් වේ.
ප්‍රසන්න රණතුංග, රමේෂ් පතිරණ, ජනාධිපති නීතිඥ අලි සබ්රි සහ නාලක ගොඩහේවා එලෙස අමාත්‍ය ධුරවලින් ඉවත්වීමට සූදානමින් සිටින බව ආණ්ඩුවේ ආරංචි මාර්ග පවසන්නේ.
තමන් අග්‍රාමාත්‍ය ධුරයෙන් ඉල්ලා අස්වන බව මහින්ද රාජපක්ෂ පසුගිය සිකුරාදා පැවති කැබිනට් මණ්ඩල රැස්වීමේදී ජනාධිපතිවරයාට හා අමාත්‍ය මණ්ඩලයට පොරොන්දු වී තිබු අතර ඒ අනුව ආණ්ඩුව බාර ගන්න ලෙස ජනාධිපතිවරයා විසින් පසුගිය සෙනසුරාදා විපක්ෂ නායකයා වෙත ආරාධනය කර තිබිනි.
Facebook Comments
