ජනාධිපති ගෝඨාභය රාජපක්ෂ තවමත් මාලදිවයිනේ රැඳි බැවින් සිංගප්පූරුවට යෑමෙන් පසු සිය ඉල්ලා අස්වීම ශ්‍රී ලංකා පාර්ලිමේන්තුවේ කථානායක මහින්ද යාපා අබේවර්ධන වෙත යැවිය හැකි බව විදෙස් මාධ්‍ය වාර්තා කර තිබේ.
ගෝඨාභය රාජපක්ෂ මාලේ සිට සිංගප්පූරුව බලා යාමට නියමිතව තිබූ එස්.කිව් 437 සිංගප්පූරු ගුවන් යානයෙන් පිටත් නොවූ බවයි ඉන්දියාවේ එන් ඩී ටීවී පුවත් සේවය වාර්තා කරන්නේ.
ආරක්ෂක හේතුන් මත ජනාධිපති ගෝඨාභය රාජපක්ෂ, අනෝමා රාජපක්ෂ සහ ආරක්ෂකයන් දෙදෙනා එම ගුවන් යානයෙන් පිටත් නොවූ බව එම මාධ්‍ය සඳහන් කළේය.
සිංගප්පූරුව බලා පිටත්ව යාම සඳහා ජනාධිපති ගෝඨාභය රාජපක්ෂට පෞද්ගලික ගුවන් යානයක් ලබා ගැනීම සඳහා සාකච්ඡා කරමින් සිටින බවයි මාලදිවයින් මාධ්‍ය වාර්තා වැඩිදුරටත් සඳහන් කරන්නේ.
Facebook Comments
