පොලිස් අණ නොතකා ගිය රත්වත්තේ දියණිය නීතියේ රැහැනට

0

මාර්ග නීති උල්ලංඝනය කරමින් හා පොලිස් අණ නොතකමින් මෝටර් රථය ධාවනය කල ප්‍රසිද්ධ දේශපාලඥයෙකුගේ දියණිය නීතියේ රැහැනට හසුකර ගැනීමට පොලිසි සමත්ව ඇත.

මෙසේ පොලිස් අණ නොතකමින් ඩිෆෙන්ඩර් රථයක් පදවා ඇත්තේ ලොහාන් රත්වත්තේගේ දියණිය බවයි සිලෝන් ජර්නල්ස් වෙත වාර්තා වන්නේ.

කොළඹ – මහනුවර මහා මාර්ගයේ වේවැල්දෙණිය, රදාවඩුන්න මාර්ගය අයිනේ දිවා කාලයේ සේවයේ යෙදී සිටිය දී, මහනුවර දෙස සිට කොළඹ දෙසට කළු පැහැති ඩිපෙන්ඩර් රථයක් මාර්ගයේ වංගු සහිත ස්ථානයකදී මාර්ගය මැද සලකුණු කර ඇති ද්විත්ව සුදු ඉරිවලට දකුණින් වෙනත් රථයක්ද ඉස්සර කර තිබේ.

පොලිස් අණ නොතකා ඩිෆෙන්ඩර් රථය පලායෑම නිසා වහා ක්‍රියාත්මක වී ඇති පොලිස් නිලධාරීන් දෙදෙනා රාජකාරි යතුරු පැදියේ නැගී කිලෝමීටර් තුනක දුරක් ඩිෆෙන්ඩර් රථය හඹාගොස් නිට්ටඹුව පස්යාල හන්දිය ආසන්නයේදී පොලිස් යතුරු පැදිය හරස් කර ඩිෆෙන්ඩර් රථය නවතා ගැනීමට පොලිසිය සමත්ව ඇත.

ඩිෆෙන්ඩර් රථය පැදවු තරුණිය තමන් ලොහාන් රත්වත්තේගේ දියණිය බව පොලිසියට පවසා සිද්ධිය පිළිබඳව සමාව අයැද සිටි බවද ආරංචි මාර්ග පවසයි.

එම අවස්ථාවේදී පොලිස් නිලධාරීන් දෙදෙනා මෙම දේශපාලක දියණියට තරයේ අවවාද කර, ඇයගේ රියදුරු බලපත්‍රය සිය භාරයට ගෙන දින 14ක් වලංගු තාවකාලික රියදුරු බලපත්‍රයක් ඇයට නිකුත් කර ඇති අතර අැයට එළඹෙන ජනවාරි 02 වැනිදා අත්තනගල්ල මහේස්ත්‍රාත් අධිකරණය හමුවේ පෙනී සිටින ලෙස දන්වා තිබේ.

Facebook Comments

wedding people