පසුගිය ජනාධිපතිවරණයේදී විපක්ෂයේ පොදු අපේක්ෂකයා ලෙස මෛත්‍රීපාල සිරිසේන ජනාධිපතිවරණයට ඉදිරිපත් වු අවස්ථාවේදි ඔහු ඉන්දීය අගමැති නරේන්ද්‍ර මෝදිගේ ඇඳුමට සමාන ආකාරයේ ඇඳුමක් හැඳ දේශපාලන වේදිකාවට ගොඩ විය.
එකල දේශපාලන වේදිකාවේ දැඩි ලෙස මෙම ඇඳුම කතාබහට ලක් වු අතර මහින්ද රාජපක්ෂ කන්ඩායම විසින් එහිදී චෝදනා කළේ මෝදි ලෙස සැරසි මෛත්‍රීපාල සිරිසේන දෙමළ ජනයාගේ ජන්ද දිනා ගැනීමට උත්සාහ කරන බවටයි.
නමුත් එහිදී ඇතම් පිරිස් කියා සිටියේ පැවති මර්දනය හමුවේ මහින්ද රාජපක්ෂ ප්‍රමුඛ දේශපාලන සතුරන්ගෙන් මෛත්‍රීපාල සිරිසේනට තර්ජන ඇති නිසා ඔහු තම ආරක්ෂවට වෙඩි නොවදින ඇඳුමක් පලඳින බවයි.
කෙසේ වෙතත් එම ඇඳුම නැවතත් කරළියට පැමිණ ඇත්තේ මේ දින වල මැලේසියාවේ සංචාරයක නිරත ජනාධිපති මෛත්‍රීපාල සිරිසේන මෝදිගේ ඇඳුමට සමාන ඇඳුමක් හැද 2009 වසරේදී ගත් ජායාරූපයක් සමගයි.
ඊබ‍්‍රහිම් අන්සාර් ඊජිප්තුවේ ශ්‍රී ලංකා මහකොමසාරිස්වරයා ලෙස කටයුතු කළ සමයේදී මෛත්‍රීපාල සිරිසේන මහින්ද රජයේ ඇමැතිවරයෙක් ලෙස සිටියදී එම ඡායාරෑපය ලබාගෙන ඇති අතර ඊබ‍්‍රහිම් අන්සාර් දැනට මැලේසියාවේ ශ්‍රී ලංකා මහ කොමසාරිස් වේ.
ඔහුගේ නිවසේදි මෙම ජායාරූපය දැක ඇති ජනාධිපතිවරයා එය පෙන්වමින් එහි සිටි පිරිසට පවසා ඇත්තේ තමා 2009 වසරේද මේ ආකාරයෙන් ඇඳ පැළඳ සිටි අයෙක් බවත් ඒ ආකාරයෙන් අදිනු ලැබුයේ 2015 ජනාධිපතිවරණ සමයේ සිටි නොව ඊට පෙර සිටම බවයි.
මෙම ඡායාරූපය කරලියට පැමිනීමත් සමග පසුගිය ජනාධිපතිවරණයේදී මහින්ද රාජපක්ෂ හිතවාදීන් විසින් එම ඇඳුම ඉලක්ක කර මෛත්‍රීපාල සිරිසේන වෙත එල්ල කළ මඩ ප්‍රචාර අසත්‍ය බව සාක්ෂි සහිතව සනාථ වී තිබේ.
(ඡායා – නෙත් නිව්ස් අනුග්‍රහයෙන්)
Facebook Comments
