සාමාන්‍ය ජනතාව ඡන්ද ලබා දිපු මෙතෙක් කල් නිර්මාණය කළ ලොකු වලව් නියෝජනය කළ ඉහළ අයගේ ආණ්ඩු බැවින් පොදු මිනිස්සුන්ගේ ආණ්ඩුවක් නිර්මාණය කිරිමට ජාතික ජන බලවේගයේ නායකයා ගොවි ජනතාවට ආරාධනා කර තිබේ.
දෙහිඅත්තකණ්ඩියේ පැවති ජාතික ජන බලවේගයේ ගොවි රැලිය අනුර කුමාර දිසානායක පවසනා ඇත්තේ මෙතෙක් කල් බිහි වු ආණ්ඩුවලින් ජනතාවට වැරදුණා පමණක් නොව අමාරුවේද වැටුන බවයි.
“ජනතාව විදිහට අපි කාලයක් තිස්සේ ඡන්දෙ දුන්නා. ආණ්ඩු හැදුවා. ඡන්දෙ දුන්නු අපට වැරදුණා විතරක් නොවෙයි අපි අමාරුවෙත් වැටුණා. මේ සැරේ අපි තීන්දුවක් ගන්න ඕනෑ ආයෙ වරදින්නේ නැති, අමාරුවේ වැටෙන්නේ නැති තීන්දුවක්. මෙච්චර කල් තීන්දු අරගෙන හදපු ආණ්ඩු පොදු මිනිසුන්ගේ ආණ්ඩු නොවෙයි. ඒවා ලොකු වලව් නියෝජනය කළ ඉහළ අයගේ ආණ්ඩු. සමහර විට කොළඹ ලොකු ධනවතුන් නියෝජනය කළ ආණ්ඩු. ඒගොල්ලන්ගේ ආණ්ඩු හැමදාම තීන්දු තීරණ ගත්තේ ඒ අයට හිතකර ලෙස.”
රටේ පොදු ජනතාව ආණ්ඩු හැදුවාට පොදු ජනතාවගේ ආණ්ඩුවක් සාදා නොගත් බව ද ඔහු සඳහන් කළේය.
“අපි ඕගොල්ලන් හමුවෙන්න ආවේ, අපි ඔක්කෝම එකතුවෙලා පොදු ජනතාවගේ ආණ්ඩුවක් හදා ගනිමු කියන යෝජනාව කරන්න. මේ ඔබලා ආවේ ඒ ආණ්ඩු එපා වෙලා වෙනස් කරන්න ඕනෑ කියන අදහසින්. දැන් ඔබ කරන්න ඕනෑ තවත් අලුත් අය එකතු කරන එක.” යැයි ජාතික ජන බලවේගයේ නායක අනුර කුමාර දිසානායක පැවසීය.
Facebook Comments
