එදා නොමල බාහු මෙදා මියගිය හැටි අනුර කුමාර අසා දැනගනී

0
128

දෙමළ ජනතාවගේ ස්වයංතීරණ අයිතිය වෙනුවෙන් සිය දේශපාලන ජීවිත කාලය තුලම අරගලයේ යෙදුනු වාමාංශික දැවැන්තයකු වූ ආචාර්ය වික්‍රමබාහු කරුණාරත්නගේ දේහයට අවසන් ගෞරව දැක්වීම සඳහා ජනාධිපති අපේක්ෂක අනුර කුමාර දිසානායකද පැමිණ සිටියේය.

දේහය තැන්පත් කර තිබූ අවමංගල්‍ය ශාලාවට සුදු අත්දිග කමිසයකින් සැරසී පැමිණි ජාතික ජන බලවේගයේ නායකයා “බාහු සහෝදරයාට මොකද වුනේ?” යි එහි සිටි නවසමසමාජ පක්ෂයේ නායකයන් සමග කතාබහේදී විමසා ඇත.

“අර කඩවත රැස්වීමේදී වෙඩි තියලා අමාරු වෙච්චි එක තමයි දිගටම බලපෑවේ,” යි එහි සිටි එක රතු කමිසකාර නසසප ක්‍රියාධරයෙක් පවසා තිබේ.

අනුර කුමාර මන්ත්‍රීවරයා පිළිතුරු වශයෙන් කිසිත් නොදොඩා අවමංගල ශාලාවෙන් පිටව ගොස් තිබේ.

වික්‍රමබාහු කරුණාරත්නට කඩවත එක්සත් සමාජවාදී පෙරමුණේ රැස්වීමක් අමතමින් සිටියදී LMG වර්ගයේ මැෂින් තුවක්කුවකින් වෙඩි තබනු ලැබුවේ 1990 දීය. ජනතා විමුක්ති පෙරමුණේ නායකත්වයෙන් එකල පිහිටුවා තිබු පෙරමුණ වන දේශප්‍රේමී ජනතා ව්‍යාපාරය විසිනි.

ඊට හේතුව දෙමළ ජනතාවට කිසියම් බලයක් බෙදා දෙනු ඇතැයි විශ්වාස කෙරුණු පළාත් සභා ආරක්ෂා කිරීම වෙනුවෙන් සිංහල ජනතාව අතර කැපවී කටයුතු කිරීමය.

බඩ හරහා ගිය එම වෙඩි වරුසාවෙන් ඇද වැටුණු බාහු සහෝදරයා මරණයෙන් ගැලවුනේ ඒ අවස්ථාවේ ඔහුගේ ආරක්ෂාව භාරව සිටි ඥානසිරි කොත්තිගොඩ ප්‍රමුඛ සහෝදරයන් දිවි පරදුවට තබා ඔහු රැගෙන රෝහලට යාම නිසාය.

කලවට වෙඩි වැදුණු නාට්‍යවේදී දේව බණ්ඩාර සේනාරත්න අවාසනාවන්ත ලෙස මරුමුවට පත්විය.

Facebook Comments

Ivory Agency Ad