අක්ෂි කාච ජාවාරමට වැට බඳී

අක්ෂි කාච ජාවාරම නතර කිරීමට කටයුතු කරන බව සෞඛ්‍ය,පෝෂණ හා දේශීය වෛද්‍ය අමාත්‍ය වෛද්‍ය රාජිත සේනාරත්න පවසයි.

කොළඹ පිහිටි ශ්‍රී ලංකා අක්ෂි බැංකුව සෞඛ්‍ය, පෝෂණ හා දේශිය අමාත්‍යවරයා විසින් පසුගියදා නිරීක්ෂණය කරන ලද අතර මෙම අක්ෂි බැංකුව සංවර්ධනය කිරිම පිළිබදව අමෙහිදී අවධානය යොමු කෙරිනි.

සිංගප්පුරුව විසින් 2011 වර්ෂයේ ජනවාරි මස ආරම්භ කර ඇති මෙම අක්ෂි බැංකුවේ සේවාවන් මහනුවර මහ රෝහල සහ කුරුණෑගල මහ රෝහලට ව්‍යාප්ත කර ඇති අතර 2011 වසරේ සිට 2016 දක්වා මිය ගිය පුද්ගලයින්ගේ අක්ෂි 6670 ක් ලබාගෙන ඇත.

මෙහිදී අදහස් දැක්වූ සෞඛ්‍ය අමාත්‍යවරයා ප්‍රකාශ කළේ, අක්ෂි කාච අඩු මිලකට ලබාදීමෙි වැඩපිළිවෙලක් කඩිනමින් ආරම්භ කරන බව සහ “අක්ෂි කාච ජාවාරමක් සිදුවන බව අනාවරණ වී තිඛෙනවා. ඉන්දියාවෙන් රුපියල් 6000 කට ආනයනය කරන අක්ෂි කාච දේශිය වෙළෙදපොලේ අලෙවි කරන්නේ රුපියල් 25000 කටයි. ඇතැම් සමාගම් ආනයනය කරන අක්ෂි කාච නිර්දේශ කරන වෛද්‍යවරුන්ට එම සමාගම් වලින් මුදල් ලැබීමෙි ජාවාරමක් ද ක්‍රියාත්මක බව ද තොරතුරු ලැබී තිඛෙන බවයි”

මෙි අතර ශ්‍රී ලංකා අක්ෂිදාන සංගමයේ සභාපති ඩි.සී රණසිංහ ඇතුලු නිලධාරීන් පිරිසක් සෞඛ්‍ය අමාත්‍යාංශයේ දී සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න සමග සාකචිඡා පවත්වා වසර 50 ක කාලයක සිට සම්පුර්ණයෙන්ම නොමිලේ ශ්‍රී ලංකාවාසීන්ට අක්ෂි සහ පටක ලබාදෙන අක්ෂිදාන සංගමයට සෞඛ්‍ය දෙපාර්තමෙින්තුව විසින් මෙතෙක් ලබාදුන් මුදල රුපියල් ලක්ෂ 02 වන අතර එය රුපියල් ලක්ෂ 10 දක්වා වැඩි කරන ලෙස සෞඛ්‍ය අමාත්‍යවරයා සෞඛ්‍ය ලේකම් අනුර ජයවික්‍රම උපදෙස් ලබාදෙන ලදි.

සියළුම රජයේ රෝහල්වලට ශ්‍රී ලංකා අක්ෂිදාන සංගමය සදහා අක්ෂි සහ පටක ලබාගැනීමට අවශ්‍ය පහසුකම් සපයන ලෙස චක්‍රලේඛයක් මගින් සියළුම රෝහල් අධ්‍යක්ෂවරුන් දැනුවත් කිරීමට මෙහිදී තීරණය කෙරුනි.