ජිනිවා යෝජනා අනුව යුද්ධයේ සිදුවූ අපරාධ පිළිබඳ සත්‍යය සොයාගැනීම සඳහා පිහිටුවනු ලබන කොමිසම සඳහා මාර්තු මාසයේ කැබිනට් අනුමැතිය ලැබීමට නියමිත බව විදේශ අමාත්‍යවරයා පවසා ඇත.
විදේශ අමාත්‍යාංශයේ ප්‍රාදේශීය කොන්සියුලර් කාර්යාලයක් යාපනයේ විවෘත කිරීම වෙනුවෙන් පැවති උත්සවයට එක් වෙමින් විදේශ අමාත්‍ය මංගල සමරවීර මේ බව පැවසීය.
කොළඹ විශ්ව විද්‍යාලයේ හිටපු උප කුලපතිනි මහාචාර්ය සාවිත්‍රි ගුණසේකරගේ ප්‍රධානත්වයෙන් සත්‍ය කොමිසම් පත් කෙරෙනු ඇති බවයි අමාත්‍යවරයා එහිදි සදහන් කර සිටියේ.
අතුරුදහන් වුවන් පිළිබඳ කාර්යාලයත් හැකිතාක් ඉක්මනින් ක්‍රියාකාරීව ආරම්භ කරන බව ද විදේශ අමාත්‍යවරයා ප්‍රකාශ කළ අතර යුක්තිය පසිඳලීම, වන්දි ගෙවීම, නැවත ප්‍රචණ්ඩත්වය ඇති නොවීමට වග බලා ගැනීම සඳහාද යාන්ත්‍රණ පිහිටුවීම ද ඉදිරි කාලයේ සිදුවනු ඇති බවට අමාත්‍යවරයා විශ්වාසය පළ කළේය.
Facebook Comments
