යහපාලන රජය යටතේ නීතියේ සහ අධිකරණයේ ස්වාධීනත්වය දරා ගැනීමට නොහැකි විමල් වීරවංශ තමන්ගේ සුපුරුදු රංගනය ඉදිරිපත් කරමින් සිටින බව පුත්තලම් දිස්ත්‍රික් සංවර්ධන කමිටු සභාපතිවරයා පවසනවා.
තමන්ට අවශ්‍ය පරිදි රාජපක්ෂ පාලන සමයේ මෙන් අධිකරණයෙන් තීන්දු ලබා ගැනීමට කිසිවෙකුට නොහැකි බව මෙන්ම නීතිය ක්‍රීයාත්මක කරන ආයතන වලට නිදහසේ තම කටයුතු කර ගැනීමට යහපාලන රජය ඉඩ සලසා දී ඇති බව පාර්ලිමේන්තු මන්ත්‍රී හෙක්ටර් අප්පුහාමි කියා සිටියේ 26 ඉරිදා පැවති එජාප පාක්ෂිකයන් දැනුවත් කිරීමකදීය.
රජයේ දේපල අවභාවිතා කර පසුගිය සමයේ උපයාගත් සැප සම්පත් අහිමි වෙතැයි බියෙන් තම දරුවන්ද යොදා ගනිමින් වීරවංශ ගෙන යන රංගනය ලැජ්ජා සහගත බවයි මන්ත්‍රීවරයා සඳහන් කරන්නේ.
යම් හෙයකින් විමල් වීරවංශට එල්ල වී ඇති චෝදනා ඔප්පු වී සිරගත වුවහොත් ඔහු කුමක් කරයිද යන්න තමන්ට සිතා ගත නොහැකි බවත් වීරවංශගේ මෙම ක්‍රියාව අධිකරණයට අපහසයක් බවද පවසන මන්ත්‍රීවරයා එයට විරුද්ධවද නීතිය ක්‍රියාත්මක කල යුතු බවයි අවධාරණය කර සිටියේ.
Facebook Comments
