මාධ්‍ය වල පල වන ආකාරයේ කිසිඳු කැබ්නට් සංශෝධනයක් සම්බන්ධව ජනාධිපති කිසිවක් ප්‍රකාශ කර නොමැති බව සම කැබිනට් ප්‍රකාශකවරයා පවසනවා.
කොළඹ අද (05) පැවති උත්සවයක් අවසනයේ සම කැබිනට් ප්‍රකාශක සෞඛ්‍ය, පෝෂණ හා දේශීය වෛද්‍ය අමාත්‍ය සහ රජයේ සම කැබිනට් මාධ්‍ය ප්‍රකාශක දොස්තර රාජිත සේනාරත්න මේ බව කියා සිටියේය.
පසුගියදා ජනමාධ්‍ය ප්‍රධානින් හමුවු ජනාධිපතිවරයා වෙසක් පොහොයට ප්‍රථම කැබිනට් සංශෝධනයක් සහ රාජ්‍ය ආයතන ප්‍රධානීන්ගේ වෙනසක් සිදු වන බවට ඉගි පල කර තිබු අතර පසුගිය කාලය තුළ ඇතැම් මැති ඇමැතිවරුන්ගේ ක්‍රියාකලාපයන් මෙන්ම මහජන අප්‍රසාදයට ලක්වීම සහ අකාර්යක්ෂම අමාත්‍යවරුන් පිළිබඳ අවධානය යොමු කර ඇති ජනාධිපතිවරයා කැබිනට් සංශෝධනයක් සම්බන්ධයෙන් අවධානයෙන් පසුවන බවට ඇමති මහින්ද අමරවීර සති අන්ත පුවත් පතකට ප්‍රකාශයක්ද කර තිබුණි.
තවත් සම කැබිනට් ප්‍රකාශකවරයෙක් පත් වීමට යාම සම්බන්ධවයෙන් අදහස් දැක්වු රාජිත සේනාරත්න ඇමතිවරයා සෑම පක්ෂයකම මාධ්‍ය ප්‍රකාශකවරයෙක් සිටිම හොද ලක්ෂණයක් බවයි ප්‍රකාශ කළේ.
තමන්ව කැබිනට් ප්‍රකාශක ධුරයෙන් ඉවත් කරන ලෙසට බල කර සිටි ඩබිලිවි.ඩි.ඡේ සෙනෙවිරත්න ඇමතිවරයා සමඟ පුද්ගලික ගැටලුවක් නැති බව කී ඇමතිවරයා ඔහු සමඟ ඇත්තේ දේශපාලන ගැටලුවක් බවයි වැඩිදුරටත් පවසා සිටියේ.
Facebook Comments
