මහ ජන්දය ගැන තරුණයන්ගෙන් මැතිවරණ කොමිසමට ඉල්ලීමක්

0

දේශපාලන න්‍යාය පත්‍ර වලට යට නොවී මහ මැතිවරණය පැවැත්වන දිනය සම්බන්ධව සෞඛ්‍ය ක්ශේත්‍රයේ වගකිවයුතු පාර්ශ්ව වෙතින් ඒ සඳහා අත්‍යවශ්‍ය නිර්දේශ ලබාගන්නා ලෙස විපක්ෂයේ තරුණ දේශපාලන ක්‍රියාකාරීන් පිරිසක් මැතිවරණ කොමිසමෙන් ඉල්ලා තිබේ.

ශ්‍රී ලංකාව මෙතෙක් කොරෝනා වසංගතයේ අවසානය පෙනෙන මානයකට පැමිණ නොමැති බව සෞඛ්‍ය ක්ශේත්‍රයේ බලධාරින්ගේ ප්‍රකාශ වලින් හැගෙන බවයි නාමල් විජේමුනිසොයිසා, රසික ජයකොඩි, ලිහිණි ප්‍රනාන්දු, චරණ කනංකේගමගේ, ධනුෂ්ක ප්‍රනාන්දුගේ අත්සනින් යුතුව මැතිවරණ කොමිසම වෙත යැවු ලිපියක සඳහන් කර ඇත්තේ.

කොරෝනා වසංගතය ලොවින් තුරන් වු පසුව පාර්ලිමේන්තුව විසුරුවා හැර මහ මැතිවරණය පැවැත්වීම සඳහා අවශ්‍ය ඉඩ ප්‍රස්ථාව නිතැතින් ම සැලසෙන බව තම විශ්වාසය බව පවසන තරුණ කණ්ඩායම රටම කබලෙන් ලිපට වැටි ඇති වියවුල් සහගත අවස්ථාවක මැයි මාසය අවසන් වීමට පෙර කෙසේ හෝ මහ මැතිවරණය පැවැත්වීමට උත්සාහ දැරීම කිසිසේත්ම ජනතාවාදී නොවන බව මෙන්ම එය ජනතාවගේ ආරක්ෂාවට මහත් තර්ජනයක් වන බවයි අවධාරණ කරන්නේ.

වසංගතය අවසන් වීමට පෙර මැතිවරණය පැවැත්වීමෙන් සෞඛ්‍ය බලධාරීන් සහ එම ක්ෂේත්‍රයේ වෘත්තිකයන් මෙම වසංගතය මැඩලීමට ගනු ලබන කැපවීම එයින් මහත හෑල්ලුවට ලක් වනු ඇති බවද මැතිවණ කොමිසම වෙත යවා ඇති ලිපියේ වැඩි දුරටත් සඳහන් වේ.

Facebook Comments

wedding people