ශ්‍රී ලංකාව තුල කොරෝනා ව්‍යාප්තිය අවම කිරීමමෙරට ඉහල පෙලේ බටහිර වෛද්‍යවරුන්ගේ සංගමයක් විසින් රජයට නව යෝජනා කිහිපයක් ඉදිරිපත් කර තිබේ.
නිරෝධායනයට ලක් කරෛන පුද්ගලයන් විශේෂඥ වෛද්‍ය කමිටුවක නිර්ණායක යටතේ පරීක්ෂා කර රෝගය වැළඳී ඇති පුද්ගලයින් හුදකලා කර ප්‍රතිකාර කිරීම රජයේ වෛද්‍ය නිලධාරින්ගේ සංගමය රජයට කර ඇති නවතම යෝජනාවේ ඇතුලත්ව ඇත.
එහිදී පුවුලේ අනෙක් පුද්ගලයන් හා සමාජ සමග පවතින සම්බන්ධතාව වළකිනු ඇති බවටයි එම සංගමය විශ්වාසය පළ කරන්නේ.
ලෝක සෞඛ්‍ය සංවිධානය මගින්ද අනුමත කර ඇති පරිදි කොරෝනා රෝගීන් හඳුනා ගැනිමේ පරීක්ෂණ නැවත නැවතත් සිදු කළ යුතු බවටද වෙද සංගමය රජයට යෝජනා කර සිටී.
ගුවන් තොටුපළ යළි විවෘත කිරිමෙන් පසුව මෙරටට පැමිණෙන පුද්ගලයන් හට වෛරසය අසාදනය වී නැති බවට තහවුරු කර ගන්නා ලෙස සහ ඔවුන් නිරෝධායනයට යොමු කරන ලෙසද එම සංගමය ජනාධිපතිවරයාගෙන් ඉල්ලා තිබේ.
ඒ හරහා වෛරස රට තුලට ඇතුල්වීම වළක්වා ගත හැකි බවටයි රජයේ වෛද්‍ය නිලධාරින්ගේ සංගමය වැඩි දුරටත් අවධාරණය කරන්නේ.
Facebook Comments
