ශ්‍රීලනිපය වෙනුවෙන් සම කැබිනට් ප්‍රකාශවරයෙක් පත් කරන ලෙසට ශ්‍රීලනිප මන්ත්‍රීවරුන් ජනාධිපතිවරයාගෙන් කරන ලද ඉල්ලීමට ප්‍රතිචාරයක් ලෙස එම තනතුරු අමාත්‍ය දයාසිරි ජයසේකර හට ලබා දීමට ජනාධිපතිවරයා තීරණය කර ඇති බව වාර්තා වේ.
ඒ අනුව ශ්‍රී ලංකා නිදහස් පක්ෂයේ කුරුණෑගල දිස්ත්‍රික් පාර්ලිමේන්තු මන්ත්‍රී ක්‍රීඩා අමාත්‍ය දයාසිරි ජයසේකර ඉදිරි සතියේදී සම කැබිනට් ප්‍රකාශක ලෙස පත් කිරීමට නියමිත බවයි ශ්‍රීලනිප ආරංචි මාර්ග පවසන්නේ.
මෙම පත් කිරීම අනුව වත්මන් සම කැබිනට් ප්‍රකාශවරුන් වන ඇමති ගයන්ත කරුණාතිලක හා රාජිත සේනාරත්න යන දෙදෙනාගෙන් එක් අයෙක් ඉවත් කල යුතු අතර ඉවත් කල යුත්තේ කවුද යන්න තීරණය කිරීමට ජනාධිපතිවරයා එජාපයට අවස්ථාව ලබා දී තිබේ.
රාජිත සේනාරත්න ඇමතිවරයා සම කැබිනට් ප්‍රකාශක ධුරයෙන් ඉවත් කරන ලෙසට ඩබිලිවි.ඩි.ඡෙ සෙනෙවිරත්න අමාත්‍යවරයා ජනාධිපතිවරයාගෙන් ඉල්ලා තිබුණි.
Facebook Comments
