අට අවුරුද්දකට පෙර යුද්ධයෙන් මරා දැමුනු පිරිස් සැමරීම සඳහා මුලතිවු දිස්ත්‍රික්කයේ මුල්ලිවයික්කාල් හි පැවැත්වෙන සමරුව සඳහා මුල් වරට දකුණේ බෞද්ධ භික්ෂුන් වහන්සේ නමක් සහභාගී වුහ.
යුද්ධයෙන් මියගිය සියලු දෙනා එක්ව සැමරීමෙන් සංහිඳියාව ඇති කල හැකි බව කී වටරැක විජිත හිමිපාණන් එම පණිවුඩය රැගෙන මුල්ලිවයික්කාල් සමරුවට සහභාගී වු බවයි සමර භූමියේදී ප්‍රකාශ කළේ.
මුල්ලිවයික්කාල් සමරුව සම්බන්ධයෙන් දකුණේ ජාතිවාදීන් ගෙන යන බියකරු ප්‍රචාර බොරු බව ඔප්පු කිරීමට මෙම සමරුවට සහභාගීවිමෙන් අවස්ථාව ලද බව උන්වහන්සේ පැවසුහ.
ජාතිවාදීන්ට බිය වී රටේ සාමය ඇති කිරීමට මැදිහත් විය නොහැකි බවයි උන්වහන්සේ මාධ්‍යවේදීන්ට වැඩිදුරටත් ප්‍රකාශ කර සිටියේ.
උතුරේ මහ ඇමැති සී වී විග්නේස්වරන්ගේ මෙහෙයවීමෙන් කප්පල් අඩි පාදෙයි වෙරළ තීරයේ පැවැත්වු මෙම සමරුව සඳහා දෙමළ ජාතික සන්ධාන නායක ආර් සම්බන්ධන් ඇතුළු මන්ත්‍රීවරුන් නිල වශයෙන් සහභාගී වුයේද පලමු වතාවටය.
පසුගිය 12 වනදා සිට යුද්ධයෙන් ඝාතනය කෙරුනු දෙමළ ජනතාව සමරන දෙමළ වර්ග සංහාර අනුස්මරණ සතිය උතුරු පළාත් සභාවේ මැති මැතිණියන්ගේ මූලිකත්වයෙන් උතුරේදී ඇරඹුණි.
යුද්ධයෙන් මියගිය වුවන් සැමරීමට එක්සත් ජාතින්ගේ සංවිධානය විසින් ජාතික වශයෙන් දිනයක් නම් කරන ලෙස ශ්‍රී ලංකා රජයට නිරේදේශ කර තිබුණද රජය මෙතෙක් ඒ සඳහා කටයුතු නොකොට යුද්ධයෙන් මරණයට හා හානියට පත් යුධ සෙබලුන් වෙනුවෙන් රණවිරු සමරුවක් පවත්වයි.
Facebook Comments
