අන්තර් විශ්ව විද්‍යාලීය ශිෂ්‍ය බල මණ්ඩලයේ නායකත්වය යටතේ මාලඹේ පුද්ගලික වෛද්‍ය විද්‍යාලයට එරෙහිව විරෝධතාවක් දක්වමින් සෞඛ්‍ය අමාත්‍යාංශය වැටලු සිසුන්ට පහරදී පලවා හැර තිබේ.
පොලිසිය සහ පොලිස් විශේෂ කාර්ය බලකාය ඒකාබද්ධව කල මෙම පහර දීමෙන් සරසවි සිසු සිසුවියන් 80 වැඩි ප්‍රමාණයක් තුවාල ලැබු බවයි අන්තර් විශ්ව විද්‍යාල ශිෂ්‍ය බල මණ්ඩලය සඳහන් කරන්නේ.
රෝහල් ගත කර කිසිවෙකුත් බරපතළ තුවාල ලබා නොමැති බව කොළඹ ජාතික රෝහලේ ප්‍රකාශකයෙකු සිලෝන් ජර්නල්ස් හා කියා සිටියේය.
මෙම සිද්ධියෙන් තුවාල ලැබු පොලිස් නිලධාරින් 6 දෙනෙකුද රෝහල් ගත කර ඇත.
සිසුන් පලවා හැරීමට පහර දීමට අමතරව කදුළු ගෑස් සහ ජල ප්‍රහාරයක්ද එල්ල කල බවයි අප වාර්තාකරුවන් පවසන්නේ.
කෙසේ වෙතත් දෙපිරිස අතර ඇති වු ගැටුමින් සෞඛ්‍ය අමාත්‍යංශයට දැඩි ලෙස අලාභ හානි වී ඇති බවයි එම අමාත්‍යංශය පෙන්වා දෙන්නේ.
Facebook Comments
