අද පැවැත්වීමට නියමිත ආණ්ඩු පක්ෂ රැස්වීමේදී රජයේ ප්‍රබල අමාත්‍යවරුන් කිහිපදෙනෙකුට එරෙහිව එජාප පසුපෙල මන්ත්‍රීවරුන් විසින් ජනාධිපතිවරයාට සහ අගමැතිවරයාට පැමිණිලි කිරීමට සුදානම් වන බවට සිලෝන් ජ්ර්නල් වෙත වාර්තා වේ.
අධිකරණ හා බුද්ධ ශාසන අමාත්‍ය විජේදාස රාජපක්ෂ, ක්‍රීඩා අමාත්‍ය දයාසිරි ජයසේකර, මහාමාර්ග රාජ්‍ය අමාත්‍ය ඩිලාන් පෙරේරා, සංචාරක නියෝජ්‍ය අමාත්‍ය අරුන්දික ප්‍ර‍නාන්දු, ඉඩම් රාජ්‍ය ඇමති ටි.බී ඒකනායක යන අමාත්‍යවරුන්ට එරෙහිව මෙසේ පැමිණිළි කිරිමට නියමිත බවයි සිරිකොත ආරංචි මාර්ග පෙන්වා දෙන්නේ.
එජාප පසුපෙල මන්ත්‍රීවරුන් 10 දෙනෙකුට අධික කණ්ඩායමක් විසින් මෙම පැමිණිළි ඉදිරිපත් කිරීමට සුදානම්ව ඇති බවද එම ආරංචි මාර්ග කියා සිටි.
වත්මන් ජාතික ආණ්ඩුව නියෝජනය කරමින් ආණ්ඩුව දැඩිලෙස විවේචනය කිරීම, ජාතික ආණ්ඩුවේ සිටිමින් එක්සත් ජාතික පක්ෂය දැඩිලෙස විවේචනය කිරීම, පසුගිය ආණ්ඩුව ගනු ලැබූ වැරදි ප්‍ර‍තිපත්තිමය තීරණ වත්මන් ජාතික ආණ්ඩුවට බැර කිරීම, හිටපු ජනාධිපති මහින්ද රාජක්ෂකට සහ ඒකාබද්ධ විපක්ෂයට වාසි සහගත අයුරින් ප්‍ර‍කාශ නිකුත් කිරීම ඇතුළු කරුණු කිහිපයක් මුල්කරගෙන මේ පැමිණිලි සිදු කිරීමට නියමිතව ඇත.
මේ අතර ආණ්ඩුව පිහිටුවීමට දායකත්වය දුන් සිවිල් සංවිධාන හා රාජ්‍ය නොවන සංවිධාන වලට විරුද්ධව අධිකරණ හා බුද්ධ ශාසන අමාත්‍ය විජේදාස රාජපක්ෂ ගෙන යන වැඩපිළවෙල සහ එතුමාගේ කුමන්ත්‍රණකාරි හැසිරීම සම්බන්ධව මෙහිදී අගමැතිවරයාගේ සහ ජනාධිපතිවරයාගේ අවධානයට යොමු කිරීමට එජාප මන්ත්‍රීවරුන් බලපොරොත්තු වේ.
Facebook Comments
