පළාත් පාලන මැතිවරණය පැවැත්වීම සඳහා අනිවාර්යය කොන්දේසියක් වන පළාත් පාලන ආයතන ඡන්ද විමසීම බලාත්මක කිරීමේ ගැසට් නිවේදනය අතිවිශේෂ ගැසට් පත්රයක් මගින් තවත් මාස 03ක කාලයක් සඳහා කල් දමා ඇතැයි කැෆේ සංවිධානය චෝදනා කරයි.
විෂය භාර අමාත්ය ෆයිසර් මුස්තාෆා මෙම කල්දැමීමට අදාළ ගැසට් පත්රයට අත්සන් තබා තිබෙන බවයි එම සංවිධානය පෙන්වා දෙන්නේ.
පළාත් පාලන ඡන්ද විමසීමේ පනතට අනුව අමාත්යවරයාට අත්තනෝමතික ලෙස මැතිවරණ කල් දැමීමේ කිසිදු බලයක් නොමැති බව පවසන රජිත් කීර්ති තෙන්නකෝන් මෙය ලැජ්ජා සහගත ලෙස මැතිවරණ සිතියම හකුළා දැමීමක් වන අතර, ආණ්ඩුවේ මෙම ක්රියාමාර්ගය හෙළා දකින බවද ප්රකාශ කරයි.
අදාළ පනත ඊයේ (01දා) සිට ක්රියාත්මක වීමට නියමිත තිබූ අතර එම ගැසට් නිවේදනය නිකුත් කරනු ලැබූවේ පසුගිය අප්රේල් 07 වැනිදාය.
ඉදිරියේදී පැවැත්වීමට නියමිතය පළාත් සභා 03ක මැතිවරණද කල්දැමීමට ආණ්ඩුව උත්සාහයක නිරත වෙමින් සිටින බවයි කැෆේ සංවිධානය තවදුරටත් පවසන්නේ.
පළාත් පාලන මැතිවරණය ඔක්තෝබර් 01 වැනිදාට කල්දැමීමත් ඔක්තෝබර් 02 වැනිදා පළාත් සභා 03ක ඡන්ද විමසීමට ගැසට් නිවේදන නිකුත් කිරීමට නියමිතව තිබීමත් අහම්බයක් නොවන බවද ඔහු පවසති.
2019 නොවැම්බර් හෝ දෙසැම්බර් මස ජනාධිපතිවරණය පැවැත්විය යුතු බව මැතිවරණ කල්දැමීමේ සකලවිධ උපක්රම සඳහා යොමුවෙමින් සිටින පාර්ශ්ව වෙත අවධාරණය කරන කැෆේ සංවිධානය 2019 වසරේ ඔක්තෝබර් හෝ නොවැම්බර් මාසයන්හිදී ජනපතිවරණයක් පැවැත්විය යුතු බව වැඩිදුරටත් පවසති.