අධිකරණ අමාත්‍ය විජේදාස රාජපක්ෂ විසින් සිවිල් සංවිධාන සහ යහපාලන රජය ගොඩනැඟීමට දායක වු පුද්ගලයන් ඉලක්ක කර ගනිමින් කරන ප්‍රකාශ සහ සිංහල බෞද්ධ ජාතීවාදීන්ට සහය වන ක්‍රීයාකලාපයක් අනුගමනය කිරීම හේතුවෙන් එජාප මැති ඇමතිවරුන් ඇමතිවරයාට සිය විරෝධය පල කරමින් සිටින බවට සිලෝන් ජර්නල්ස් වෙත වාර්තා වේ.
පැවති රාජපක්ෂ පාලනයේ මර්ධනය හමුවේ නොබිය ඉදිරිපත් වෙමින් එජාපයට බලය ලබා ගැනීමට සහය ලබා දුන් සිවිල් සංවිධාන හා රාජ්‍ය නොවන සංවිධාන වලට මහින්ද රාජපක්ෂ ගෙන ගිය ආකාරයේ විරෝධයක් පාමින් එජාපය සහ එම සංවිධාන අතර විරසකයක් ඇති කිරිමේ කුමන්ත්‍රණයක් ඇමතිවරයා සිදු කරනවා දැයි සැක සහිත බවයි නම සඳහන් කිරීමට නොකැමති වු එජාප ප්‍රබල මන්ත්‍රීවරයෙකු කියා සිටියේ.
නීතිඥ ලක්ෂාන් ඩයස් ඉල්ලක්ක කරමින් අධිකරණ ඇමතිවරයා විසින් ගෙන යන ක්‍රීයා කලාපයට එජාප පසුපෙල මන්ත්‍රීන්ගේ විරෝධය එල්ල වී ඇති අතර රාජපක්ෂවරුන්ගේ කොන්ත්‍රාත්තුවකට අනුව මෙය සිදු කරනවාද යන්න සැක පවතින බවයි එම මන්ත්‍රීවරයා සිලෝන් ජර්නල්ස් වෙත අවධාරණය කළේ.
“එයත් රාජපක්ෂ කෙනෙක්නෙ පහුගිය කාලෙත් එයා රාජපක්ෂල එක්ක හිටියේ දැනුත් එයා ගෝඨාභය එක්ක ඉන්නෙ. එයා මොනවද රාජපක්ෂලව පන්නන්න කලේ. ඒකට අපිට උදව් කලේ සිවිල් සංවිධාන දැන් ඒ අයට බනින්නෙ ඇයි. එයාටත් චෝදනාවක් තියෙනවනෙ ඥානසාර හමුදුරුවෝ හංගන් හිටිය කියල ඉස්සර වෙලා ඒවට උත්තර දෙන්න කියන්න” යි හේ පැවසුහ.
එජාපය විසින් ගෙන යන ජාතිවාදී වැඩපිළිවෙලට විරුද්ධ වැඩපිළිවෙලක් ගෙන යමින් අධිකරණ ඇමතිවරයා කරන ජාතිවාදී ප්‍රකාශ සම්බන්ධව එජාපයේ සුළු ජාතීන් නියෝජනය කරන මැති ඇමතිවරුන්ද සිය කණස්සල්ල පල කර ඇති අතර ඉදිරියේදී මේ සම්බන්ධව එජාප නායකත්වයට පැමිණිළි කිරීමට ඔවුන් සුදානම් වන බවයි සිරිකොත ආරංචි මාර්ග පෙන්වා දෙන්නේ.
Facebook Comments
