සමකාමී විවාහ නිත්‍යානුකුල කිරීම සඳහා ජර්මන් පාර්ලිමේන්තුවේ පැහැදිලි බහුතරයක් අනුමැතිය දී තිබේ.
සමලිංගික විවාහ සඳහා තිබූ සිය විරෝධතාවය එරට චාන්සලර් ඇන්ජෙලා මර්කල් අත්හැර දැමූ පසුවයි මෙයට අනුමැතිය හිමිව ඇත්තේ.
කෙසේ වෙතත් ඇය එයට විපක්ෂව ඡන්දය ප්‍රකාශ කර ඇති අතර ඇන්ජලා මර්කර් ගේ ප්‍රතිවාදීන් බහුතරයක් නව ප්‍රතිසංස්කරණයට පක්ෂව ඡන්දය ප්‍රකාශ කර තිබේ.
පනතට පක්ෂව ඡන්ද 393ක් සහ විරුද්ධව ඡන්ද 226 ලැබී තිබුණු අතර සිව් දෙනකු ඡන්දය භාවිතයෙන් වැලකි සිටියහ.
මෙම ප්‍රතිසංස්කරණය මඟින් සමලිංගික කාන්තාවන්ට සහ පුරුෂයන්ට විවාහය සඳහා සම්පුර්ණ අයිතිවාසිකම් සහ දරුවන් හදාගැනීමේ අයිතිය ද හිමි වනු ඇත.
මේ අනුව “විරුද්ධ ලිංගිකයන් දෙදෙනකු හෝ සමාන ලිංගිකයන් දෙදෙනකු විවාහ ජිවිතයට ඇතුලත් වේ,” යනුවෙන් ඉදිරියේදී ජර්මානු නීති සංග්‍රහයෙන් කියවෙනු ඇති බව AFP පුවත් සේවය වාර්තා කරයි.
සිය හෘද සාක්ෂිය අනුව කටයුතු කිරීමට තමන් නායකත්වය දරන ක්‍රිස්තියානි ප්‍රජාතන්ත්‍රවාදී සංගම් ( CDU) පක්ෂයේ මන්ත්‍රීවරුන්ට අනුමැතිය ලබා දෙන බව පක්ෂ නායිකා ඇන්ජලා මර්කර් පසුගිය 26 සඳුදා පවසා සිටියාය.
Facebook Comments
