උතුරේ සන්නද්ධ කල්ලි රජයේ වැඩක් දැයි සැකයක් (VIDEO)

0
1087
wedding people

උතුරු පලාතේ ක්‍රියාත්මක වන ප්‍රචණ්ඩ කල්ලි රජයේ අනුග්‍රහය යටතේ ක්‍රියාත්මක වන බවට දේශපාලන සිරකරුවන් නිදහස් කර ගැනිමේ ව්‍යපාරය සැක පල කරයි.

මෙම ප්‍රචණ්ඩ කණ්ඩායම් උපයෝගි කර ගනිමින් ත්‍රස්වාදය වැලැක්විමේ පනත වැනි මර්දනකාරි පනත් තවදුරටත් සක්‍රියව පවත්වාගෙන යාමට රජය උත්සාහ කරන බවට එම ව්‍යාපාරයේ කැඳවුම්කරු මාරිමුත්තු සතිවේල් පියතුමා චෝදනා කර සිටී.

ත්‍රස්වාදය වැලැක්විමේ පනත අහෝසි කරන ලෙසට ජාත්‍යන්තරය බලපෑම් කරන මොහොතක දැනට ක්‍රියාත්මක ත්‍රස්තවාදයට එරෙහි පනතට වඩා භායානක පනතක් ගෙන ඒමට සැරසෙන බව කී පියතුමා මෙම කල්ලි හරහා “කොටි බියක්” මවාපාමින් සිටින බවයි පවසන්නේ.

ආවා කල්ලිය නිර්මාණය කරන ලද්දේ සහ එයට අනුබල දුන්නේ හිටපු ආරක්ෂක ලේකම් ගෝඨාභය රාජපක්ෂ බවට සෞඛ්‍ය අමාත්‍ය රාජිත සේනාරත්න ප්‍රකාශ කර ඇති බව සිහිකළ සතිවේල් පියතුමා මේ වන විටත් හිටපු ආරක්ෂක ලේකම්වරයා දෙමළ ජනයාට එරෙහි ජාතිවාදී ප්‍රකාශ කරමින් සිටින බවට චෝදනා කළේය.

ජාතිවාදීන්ගේ අරමුණ ඉෂ්ඨ කර ගැනිම සඳහා අවශ්‍ය අලුත් සංස්කෘතියක් බිහි කරමින් උතුරේ ප්‍රචණ්ඩ කල්ලි නිර්මාණය කර එම කල්ලි පෝෂණය කළ හිටපු ආරක්ෂක ලේකම් ගෝඨාභය රාජපක්ෂගෙන් ප්‍රශ්න කර අත්අඩංගුව නොගන්නේ මන්දැයි දේශපාලන සිරකරුවන් නිදහස් කර ගැනිමේ ව්‍යපාරයේ කැඳවුම්කාර පියතුමා රජයෙන් ප්‍රශ්න කර සිටී.

Facebook Comments