ජාතිවාදීන්ට බිය නොවී සියලු ජාතීන්ට සම අයිතිය ලබාදිය යුතු යැයි සෞඛ්‍ය පෝෂණ හා දේශීය වෛද්‍ය අමාත්‍යවරයා පවසයි.
යුද්ධය හේතුවෙන් උතුරු පළාතේ ජීවත් වූ මුස්ලිම් සහ සිංහල ජනතාව එල්.ටි.ටි.ඊ සංවිධානය විසින් පැය 24 ක් තුල පළවා හැරි බව නිසා එම ජනතාව පීඩාවට පත් වු බැව් අමාත්‍ය රාජිත සේනාරත්න සිහිපත් කළේ මන්නාරම සිලාවතුර ප්‍රාදේශීය රෝහලේ ඉදිකරන ලද නව වාට්ටු සංකීර්ණය විවෘත කිරිම වෙනුවෙන් 07 සදුදා පැවති උත්සවයකදීය.
යුද්ධය පැවති 30 වසරක කාලය තුල පුත්තලම අනාථ කඳවුරු තුල ජිවත් වු මුස්ලිම් ජනතාව යුද්දය අවසානයේ නැවති සිය නිජබිම් වෙත පැමිණි බව කී ඇමතිවරයා එම ජනතාවගේ ඉඩම් අයිතිය ආරක්ෂා කර රජය පහසුකම් සැලසිය යුතු බව සඳහන් කළේය.
රිෂාඩි බදියුදීන්
එම ජනතාවගේ අයීතින් වෙනුවෙන් කතා කල රිෂාඩි බදියුදීන් අමාත්‍යවරයා සිංහල ජාතිවාදින්ගේ දෝෂාරෝපනයට ලක් වු බව මෙන්ම උන්හිටි තැන් අහිමි වු ජනතාව නැවත පදිංචි කිරිමට ජාතිවාදින් විරුද්ධ වු බවයි ඇමති රාජිත පෙන්වා දෙන්නේ.
ඉඩම් නීතිය පිළිබඳව තමන් හට අවබෝධයක් ඇති බව පවසන ඇමතිවරයා “රිෂාඩ් බදියුදීන් අමාත්‍යවරයා රූපවාහිනී විවාදයක දී ජනතාවගේ ඉඩම් අයිිතිය පිළිබඳ සියලු තොරතුරු හෙළි කළා. මම ඒ අනුව විශ්වාසය පළ කළා එහි සත්‍යතාවයක් තිබෙනවා කියලා. කැළෑ ප්‍රදේශ හැමදාම එකම විදිහට තිබුණේ නැහැ. රටේ අවශ්‍යතා අනුව වෙනස්වීම් සිදු කරනවා. ඇතැම් ප්‍රදේශ ජනතාව ද පදිංචි කිරීමට යොදා ගන්නවා. රිෂාඩි බදියුදීන් අමාත්‍යවරයා මුස්ලිම් ජාතිකයෙක් වීම නිසයි මෙම ගැටුම ඇති වුනේ. ” යි ප්‍රකාශ කළේය.
ජාතිවාදින් කුමක් ප්‍රකාශ කලද සියලු ජනතාවට සම අයිතිය දිය යුතු බව මෙන්ම එම සටන ඉදිරියටම ගෙන යන බවද ඇමති රාජිත සේනාරත්න අවධාරණය කර සිටී.
Facebook Comments
