තමාව අධිකරණ ඇමැති ධුරයෙන් ඉවත් කරන්නේ නම් බුද්ධ ශාසන අමාත්‍ය ධුරයද අවශ්‍ය නොවන බව විජයදාස රාජපක්ෂ අමාත්‍යවරයා ජනාධිපතිවරයා වෙත දන්වා තිබේ.
විජයදාස රාජපක්ෂ අමාත්‍යවරයා සියලු අමැති ධුරයන්ගෙන් ඉවත් කරන ලෙසට එක්සත් ජාතික පක්ෂය ජනාධිපතිවරයාගෙන් ඉල්ලා තිබුණි.
එම ඉල්ලීමට අනුව ඔහු අධිකරණ අමාත්‍ය ධුරයෙන් පමණක් ඉවත් කිරිමට ජනාධිපතිවරයා තීරණ කල නමුත් එම අමාත්‍ය ධුරය නොමැතිව වෙනත් කිසිඳු අමාත්‍ය ධුරයක් අනවශ්‍ය බවට ඇමැතිවරයා ජනපති වෙත දැන්වු බව ජනාධිපති මාධ්‍ය ඒකකය පවසයි.
පසුගියදා පැවති එක්සත් ජාතික පක්ෂ කෘත්‍යාධිකාරී මණ්ඩල රැස්වීමේදී විජයදාස රාජපක්ෂ අමාත්‍යවරයා දිගින් දිගටම පක්ෂයේත් කැබිනට් මණ්ඩලයේත් සාමූහික වගකීම උල්ලංඝණය කර ඇති බවට චෝදනා එල්ල වු අතර ඒ අනුව ඔහු සියලු අමාත්‍ය ධුර වලින් ඉවත් කිරිමේ යෝජනාවක් ඒකමතික සම්මත විය.
ජනාධිපතිවරයාගේ දැනුම්දීම මත අමාත්‍ය ධුරවලින් ඉවත් කිරීම අමාත්‍ය විජයදාස රාජපක්ෂ පිළිගෙන ඇතිමුත් එක්සත් ජාතික පක්ෂයෙන් ඉවත් නොවන බව මාධ්‍ය වාර්තා කළේය.
මේ අතර විජයදාස රාජපක්ෂ ඉවත් කිරිමෙන් හිස් වු අධිකරණ ඇමැති ධුරයට තලතා අතුකෝරාල ඇමැතිවරිය පත් කරනු ඇතැයි දේශපාලන ආරංචි මාර්ග පවසයි.
Facebook Comments
