රටේ දැවෙන ප්‍රශ්න විසඳීමේ අරමුණින් අමාරුවෙන් සකස් කළ සම්මුතිවාදී රජය දකුණු ආසියාවේ ප්‍රථම අත්හදා බැලීම බව සම කැබිනට් මාධ්‍ය ප්‍රකාශක පවසයි.
පසුගිය දින 100 වැඩපිළිවෙළ සහ ජාතික ආණ්ඩුව දේශපාලන වාසි වෙනුවෙන් ක්‍රියාත්මක වූ වැඩපිළිවෙළක් නොවන බව සෞඛ්‍ය පෝෂණ හා දේශීය වෛද්‍ය අමාත්‍ය රාජිත සේනාරත්න අවධාරණය කර සිටියේ 23 බදාදා පැවති අමාත්‍ය මණ්ඩල තීරණ දැනුම් දීමේ මාධ්‍ය හමුවේදීය.
පක්ෂ නිර්මාණයට වඩා රට ගොඩනැගීම අපහසු බව පෙන්වා දුන් ඇමැතිවරයා ජනාධිපතිවරයා සහ අගමැතිවරයා එක් ස්ථාවරයක සිටිමින් එම අභියෝගය ජය ගත් බවයි කියා සිටියේ.
අනාගතේ දේශපාලනය පවා නවීන තාක්ෂණය සමඟ ඉදිරියට යන බව මෙන්ම අග්‍රමාත්‍ය රනිල් වික්‍රමසිංහ දේශපාලන රාජ්‍ය තාන්ත්‍රිකයෙකු ලෙස කටයුතු කරන බවයි සම කැබිනට් මාධ්‍ය ප්‍රකාශක, ඉඩම් හා පාර්ලිමේන්තු ප්‍රතිසංස්කරණ අමාත්‍ය ගයන්ත කරුණාතිලක පවසන්නේ.
ආණ්ඩුව යම් යම් පොදු කරුණු පිළිබඳ සාකච්ඡා කරනු ලබන අතර සමූහික තීණ්දු පොදු ක්‍රමවේදයක් අනුව තීරණය කරනු ලබන බව අමාත්‍යවරයා වැඩි දුරටත් පැවසීය.
Facebook Comments
