සුජිවගේ කතාවට ජනපතිගේ හිත රිදිලා

0

ජනාධිපති මෛත්‍රීපාල සිරිසේන සම්බන්ධයෙන් එක්සත් ජාතික පක්ෂ රාජ්‍ය අමාත්‍ය සුජිව සේනසිංහ කරන ලද ප්‍රකශය පිළබඳව ජනාධිපතිවරයා කලකිරීමට පත්ව තිබේ.

සුජිව සේනසිංහ අමාත්‍යවරයා පසුගිය දින සිරිකොත පැවති මාධ්‍ය හමුවකදී “මම ඇත්තටම ජනාධිපතිතුමන් ගැන ඉන්නේ විශාල කළකිරීමක. අපි එතුමන්ව පත්කළේ ජීවිතය කැප කරලා. එතුමන්ට සිහිනයක් දීලා තියෙනවා රාජපක්ෂලත් විනාශ කරලා එක්සත් ජාතික පක්ෂයත් විනාශ කරලා එතුමන් 2020 විශාල බලයක් එයි කියලා එක ආයතනයක්. මම එතුමන්ට කතා කරලා කිවුවා මාසයකට කලින්. මේ කොමිසම දික් කරලා මොකක්ද කළේ. දික් කරගෙන දික් කරගෙන අපිට මඩ ගහනවා” යි කියා තිබුණි.

කෙසේ වෙතත් මෙම ප්‍රකාශය සම්බන්ධයෙන් එක්සත් ජාතික පක්ෂ ප්‍රබලයන් කිහිප දෙනෙකු ජනාධිපතිවරයාගෙන් සමාව ඉල්ලා ඇත්තේ එය ඇමැතිවරයා පුද්ගලික ප්‍රකාශයක් බව සඳහන් කරමිනි.

එහෙත් ජනාධිපතිවරයා ඇමැතිවරයාගේ පුද්ගලික ප්‍රකාශයක් පක්ෂ මුලාස්ථානයේ සිදු කළේ ඇයි දැයි පෙරළා ප්‍රශ්න කරන ලද බව ජනාධිපති ලේකම් කාර්යාල ආරංචි මාර්ග සඳහන් කරයි.

මේ අතර පසුගියදා ඉන්දියා‍වේ සංචාරයක නිරත වු අගමැති රනිල් වික්‍රමසිංහ යහපාලන රජයෙන් ජනාධිපති ප්‍රමුඛ ශ්‍රී ලංකා නිදහස් පක්ෂයට ඉවත් නොවන්නැයි බල කරන ලෙස ඉන්දීය අගමැති නරේන්ද්‍ර මෝදිගෙන් ඉල්ලා ඇතැයි දේශපාලන ආරංචි මාර්ග පවසයි.

Facebook Comments

wedding people